मुकेश कुमार यादव
लहान, पुस १६
बलत्कार अभियोगमा सिरहाका एक जना ईन्जिनियर फरार भएका छन् । कल्याणपुर नगरपालिकामा कार्यरत एक जना युवती माथी बलत्कारको प्रयास भएकी छन् । कल्याणपुर नगरपालिका स्वास्थ्य शाखामा सिनियर अनमि पदमा कार्यरत युवतीलाई त्यसै नगर कार्यपालिकामा कार्यरत ईन्जिनियर शत्रुधन साहले आफुलाई जबरजस्ती बलत्कारको प्रयास गरेको पिडित अनमि युवतीले बताईन् ।
शनिवार राती १२ बजेको समयमा गर्भवती पत्नीलाई पेट दुखेको बहानामा ढोका खोलन आग्रह गर्दा आफुले ढोका खोलेसंगै ईन्जिनियर साहले कोठाको बती निभाएर जबरजस्ती गर्न लागेपछि आफुले चिच्याएको र प्रतिकार गर्न लाग्दा मुख थुनेर लछार पछार गर्न लाग्दा आफु बेहोस भई भुईमा ढलेको पिडित युवतीले बताईन । बिहान आफु किन नउठेको भनेर एक जना भाउजु पर्ने छिमेकीले घरको कोठामा आँउदा सबिस्तार बताउँदा प्रहरीमा गएर किटानी उजुरी दिन सल्लाह दिए बमोजिम प्रहरीमा जाँदा पनि प्रहरीले उजुरी लिन नमान्दा थप संकटमा परेको सुनाईन । हप्ता दिन धाँउदा पनि ईलाका प्रहरी कार्यालय मिर्चैयाका प्रमुख डिएसपी सन्तुलाल जयसवारले उजुरी लिनुको सटटा् आफुलाई नै हपक्याएर पठाए पछि मानव अधिकारवादी, पत्रकारहरुको साहारामा आएको बताईन् । पिडित युवतीले भनिन्, घटना सबिस्तार बाहिर आएपछि पुस १४ गते मिर्चैया प्रहरीमा जबरजस्ती करणी उद्योग मुद्धा दर्ता भएको छ । यता ईन्जिनियर साह फरारा रहेको र खाजी कार्य भईरहेको डिएसपी जयसवारले बताए । घटनाको बिरोधमा स्थानियहरु आक्रोसित भई ईन्जिनियर साहलाई कडा सजायको माँग गरेका छन् । ईन्जिनियर साहले बिगतमा पनि गर्भवती पत्नीलाई आफुकहाँ नै आएर जाँच गराउने गरेको पिडित युवतीले बताईुन् ।
आफ्नो प्रतिक्रिया दिनुहोस् !