मुकेश कुमार यादव
लहान पुस ८ गते ।
सिरहामा पनि आज प्रतिनिधिसभा विघटन विरुद्ध जनता समाजवादी पार्टीले जनप्रतिरोध प्रदर्शन गरेको छ ।

जनप्रतिरोध प्रदर्शनमा सहभागी जसपाका नेता तथा कार्यकर्ताहरूले असंवैधानिक र अलोकतान्त्रिक कदम खारेज गर, वीर सहिद अमर रहुन, निरंकुश प्रधानमन्त्री मूर्दावाद, संघीय लोकतान्त्रिक गणतन्त्र जिन्दावाद, सांसद रेशम चौधरीलगायतका राजबन्दीहरूलाई रिहा गर, झूठो मुद्दा खारेज गर, जसपा नेपाल जिन्दावाद लगायतका नारासहित प्रदर्शन गरेका हुन् ।

असंवैधानिक र अलोकतान्त्रिक तरिकाले संसद विघटन गरिएको भन्दै प्रतिनिधिसभा पुर्नस्थापनाको माग गर्दै प्रदर्शन गरेका छन् । जनप्रतिरोध प्रदर्शन पश्चात कोणसभामा जसपाका नेता तथा कार्यकर्ताहरुले सम्बोधन गरेका छन् । कोणसभामा बोल्दै नेताहरुले प्रतिनिधिसभा विघटन फिर्ता नगरे चरणबद्ध आन्दोलनमा उत्रिने चेतावनी समेत दिएका छन् । जनप्रतिरोध प्रदर्शनमा जसपा केन्द्रीय सदस्य एबम प्रदेस राज्यमन्त्री सुरेश मण्डल, पूर्वमन्त्री राजलाल यादव,नेता रामकुमार मण्डल, केन्द्रीय अनुशासन आयोग सदस्य डा. जयनारायण यादव, प्रदेस सांसद सुनिता राम लगायतको सहभागिता थियो ।