काठमाडौं : प्रधानमन्त्रीद्वारा संसद नचलेको बेला दुई दुई पटक अध्यादेश ल्याइनु, प्रधानमन्त्रीविरुद्ध उनको आफ्नै पार्टीका सान्सदहरूद्वारा अविश्वासको प्रस्ताव ल्याइनु तथा प्रधानमन्त्रीद्वारा संसद विघटन गरिनुको प्रमुख कारण नेपालमा बढ्दै गएको चिनियाँ हस्तक्षेप रहेको राष्ट्रिय एकता अभियानले ठहर गरेको छ।
अभियानका सम्योजक विनय यादवले एक प्रेस बिज्ञापति जारी गर्दै नेपालमा कम्युनिस्ट पार्टीले बहुमत प्राप्त गरेपश्चात् आफ्नो स्वार्थ पुर्तीको लागि चीनले अनावश्यक सकृयता बढाई एउटा अमुक पार्टी र त्यस भित्रको पनि एउटा अमुक गुटलाई अदृश्य समर्थन जनाउदा नेपाली जनताले दशकौको संघर्शपश्चात् प्राप्त गरेको संघीय लोकतान्त्रिक गणतान्त्रिक व्यवस्था नै सन्कटमा परेको आरोप लगाएको छ ।
अभियानले नेपाल कम्युनिस्ट पार्टीको दुवै पक्षसङग राजनैतिक बिचार मिलेकै आधारमा आन्तरिक राजनीतिमा बाह्य शक्तिलाई सम्लग्न नगराउन आव्हान समेत गरेको छ । अभियानले चीनलाई नेपालको आन्तरिक राजनीतिमा हात नहाल्न आग्रह गर्दै मुलुकको कुनै एउटा पार्टी अथवा गुटको आधारमा नभई नेपालको आधिकारिक परराष्ट्र नीति अनुरूप पन्चशीलको आधारमा नेपालसङगको सम्बन्ध अगाडी बढाउन सचेत पनि गराएको छ ।
आफ्नो प्रतिक्रिया दिनुहोस् !