लहान पुस ४ ।प्रदेश नम्बर २सिरहाको सुखीपुरमा पनि आज विवाह पंचमी महोत्वस धुम धामका साथ मनाउदै छ ।
मर्यादा पुरुषोत्तम श्रीराम र सीता माता बीच विवाह भएको दिनको सम्झनामा गत वर्ष देखि मनाउदै आएको श्री राम जानकी मन्दिर सुखीपुरमा यस वर्ष धुमधामका साथ विवाह पंञ्चमी महोत्सव मनाउदै छन् ।
बिबाह पंचमी महोत्सवको अवसरमा श्री राम जानकी मन्दिर सुखीपुरमा लहान स्थित रहेको राधा कृष्ण मन्दिरबाट राम सहित बजा गजा सहित बराती आउनु भएका छन् ।
बरातीहरुलाई स्वागत गर्न सुखीपुर बजारका नगरवासीहरुले आ–आफनो घरको अगाडी फूलमलाले स्वागतको साथ साथ फल फूल दिएर स्वागत गरेको श्री राम जानकी सेवा समिति सुखीपुरका अध्यक्ष नागेश्वर चौधरीले बताउनुभयो ।
वहाँले थप्दै भन्नुभयो – राम जानकी मन्दिर सुखीपुरमा बराती आएकालाई स्वागतका लागि भरपुर ब्यवस्था गरेको छ । खान र बस्न समेत ब्यवस्था रहेको छ । साथै राम जानकी मन्दिरमा छोरीलाई विवाह गर्न जति प्रक्रिया अपनाउनु पर्छ । सबै रित रिवाजलाई पुरा गर्दै विवाह महोत्सव सम्पन्नगरी कोशिर्ली सहित विदाई गर्ने योजना रहेको छ ।
आज राम जानकी मन्दिरहरुमा पुजापाठ गर्ने भक्तजनहरुको विहानैदेखि भीड लागको छ । भगवान राम र सीताको बिबाहको वार्षिकोत्सवको अवसरमा आज बिबाह पंचमी महोत्सव मनाउदै छ । बिबाह पंचमीको अवसरमा लहानबाट आएका बराती र हजारौ दर्शनार्थीहरुको घुइचो रहेको छ ।
आज श्री राम विवाहोत्सव हो । मार्गशीर्ष शुक्ल पंचमीको दिन भगवान जानकी माता संग राम के साथ विवाह भएको थियो । त्यसैले आजको तिथिलाई विवाहोत्सव ( विवाह पंञ्चमी) को रूप मनाउदै आएका छन् ।
आफ्नो प्रतिक्रिया दिनुहोस् !