बारा
४ मंसिर २०७७
जीतपुरसिमरा उपमहानगरपालिका १६ डकाहमा बाबुको कृयापुत्री छोरी बसेकी छन् । गत मंसिर २६ गते स्थानिय लाल बहादुर आलेको निधन भएपछि मृतक आलेकी साँईली छोरी सुमित्रा भनिने फूलकुमारी बुवाको कृयापत्री बसेकी हुन् ।
दाजुभाई छैनन् । दुईजना दिदिहरुको विवाह भइ पराईघर गए । अरु तीनजना बहिनीहरु सानै छन् । त्यसैले बाबुको अन्तीम संस्कारमा आफु बसेको उनले बताईन् ।
अघिल्लो बर्ष घर नजिकै बाँसको रुखमा कैनी काट्न चढेका बेला बुवा लडेर अपाङ्ग सरह हुनुहुन्थ्यो । औषधीमुलो गर्दा गर्दै बुवाको गत २६ गते निधन भएपछि दिदि बहिनी र आफन्तको सल्लाहमा साईली बहिनी कोरा बसेकी हुन् , सुमित्राकी माईली दिदि संगीताले भनिन् ।
बुवालाई उनैले दागवत्ति दिईन् र उनै अन्तीम संस्कारमा लागिन् । बहिनीलाई आफ्ना बुवाको विधिसंगत काजकृयामा स्थानिय मगर पुरोहित अम्बर बहादुर लुङ्गेली मगरले सघाई रहनु भएको संगिताले बताईन् । दाजुभाई सरह आफ्ना बाबाआमाको कृया गर्नु दिदि बहिनीको समेत अधिकार हो, उनले भनिन् ।
छोरा मात्रै कृयापुत्री बस्ने प्रचालन भएपनि छोरी कृयापुत्री बसेको यसक्षेत्रको पहिलो घटना भएको स्थानिय शिक्षक गुणराज मगरले बताए ।
आफ्नो प्रतिक्रिया दिनुहोस् !