३ पौष २०७७
बारा
भारतबाट चोरी गरी काल्पनीक नम्बर लगाई ल्याईएको सुमो बारा प्रहरीले फेला पारेको छ । सेतो रंगको काल्पनिक नं. बा.२ च ८२७५ लेखिएको सुमो प्रहरीले कलैया उपमहानगरपालिका वडा नं.५ बरेवा नजिकै सडक खण्डमा फेला पारेको जनाएको हो ।
सुमो वडा कार्यलय नजिकै बेवारिसे अवस्थामा रोकी राखेको थियो । शंका लागि गाडी खोली चेकजाँच गर्दा गाडि भित्र बिआर ३ पि ०३२१ नं.को भारतीय गाडिको विलबुक फेला परेको थियो ।
विलबुकमा उल्लेखित ईन्जीन तथा च्याचिस नंबर चेकजाँच गर्दा गाडी भारतबाट चोरी गरी नेपाल ल्याईएको बुझिन आएको बारा प्रहरी प्रवक्ता गौतम् मिश्रले जानकारी दिए ।
अन्दाजी १० लाख मुल्य पर्ने उक्त सुमो आवश्यक कार्वाहीका लागि मुल भंसार कार्यालय विरगजं बुझाईएको उनले बताए । सुमो कल्ले भारतको कुन ठाउँबाट चोरी ल्याएको सोबारे अनुन्धान भैरहेका उनले बताए ।
