बारा
आणविक अस्त्र रहेसम्म यो प्यारो धर्तीमा कोही सुरक्षित छैनन् भन्ने नाराका साथ ७२ औं अन्तराष्ट्रिय मानव अधिकार दिवसका अवसरमा जिल्लाको सिमरामा प्रदर्शन भएको छ ।

विहिबार अपराहन्न एयरर्पोट चोक सिमरामा मानव अधिकार तथा शान्ती समाज बारा शाखाको आयोजनामा प्रदर्शन भएको हो । हरेक वर्षको १० डिसेम्बर अर्थात आजकै दिनमा अन्तराष्ट्रिय मानव अधिकार दिवस मनाईन्छ ।

सन् १९४८ मा संयूक्त राष्ट्रसंघको महासभाले मानव अधिकार घोषणपत्र पारित गरेको एतिहासिक दिवसको सम्झना स्वरुप यो दिवस मनाईने गरिएको हो ।

दुईदर्जन बढीको संख्यामा उपस्थित शान्ति समाज बाराका सदस्यहरु “युद्धमा सबैको क्षय हुन्छ, शान्तिमा सबैको जय हुन्छ” । “आणविक अस्त्र चाँहिदैन, शान्ती मास्न पाईदैन” । आणविक अस्त्र नष्ट गर । युद्ध निषेध ः शान्ति विषेश लगायतका नारा लेखिएका प्ले कार्ड हातमा बोकेका थिए ।

अधिकारकर्मीहरुको कार्यक्रमले अमेरिका, रुस, चीन, ब्रिटेन, फ्रन्स, भारत, उत्तरकोरिया र ईजरायलमा रहेका आणविक भष्टी नष्ट गर्न आग्रह गरेका छन् । यसका साथै आणविक हतियार निषेध सन्धी तत्काल अनुमोदन गर । कोभिड कहरबाट बाँच्न सकिन्छ , तर आणविक कहरबाट कस्ले बचाउने भन्ने अन्तराष्टिय माग सहित नेपाल सरकारलाई आणविक हतियार निषेध सन्धी अनुमोदन गर्न माग गरेका छन् ।

कार्यक्रममा मानव अधिकार तथा शान्ती समाजका पूर्व केन्द्रिय कोषाध्यक्ष हरि प्रसाद थपलिया, केन्द्रिय आर्थिक समितिका सदस्य एवं पूर्व जिल्ला सभापतीहरु थीर बहादु श्रेष्ठ अर्का पूर्व सभापती रघुनाथ लामिछाने,पूर्व उपसभापती पुष्पराज खतिवडा, वर्तमान कार्यसमितिका सचिव लक्ष्मण साह लगायत कार्यसमिति सदस्यहरुको सहभागिता रहेको थियो ।

आणविक अस्त्र उन्मुलनका लागि मानव अधिकार तथा शान्ति समाजको विशेष अभियानमा काठमाण्डौ स्थीत विभिन्न देशका ९ वटा दुतावास अगाडि एकसाथ प्रदर्शन भएको छ । भने बारा,पर्सा लगायत देशका तीन दर्जन बढि जिल्लाहरुमा समेत प्रदर्शन भएको शान्ति समाजका केन्द्रिय सभापती उत्तम पुडासैनीले जानकारी दिनुभयो ।

आणविक अस्त्रको विश्वव्यापी उन्मुलन,आणविक हतियारहरुको निर्माण र परिक्षणमा पूर्ण प्रतिवन्धको मागसहित मानव अधिकार तथा शान्ति समाजले विगत २५ वर्षदेखि अभियान सञ्चालन गर्दै आएको वहाँले बताउनु भयो । मानव अधिकार, शान्ति, लोकतन्त्र र अहिंसाका लागि कार्य गर्ने उद्देश्यले २०५३ जेठ १९ गते स्थापित स्वयंसेवी संस्था हो ।

यस्तै कार्यक्रममा सहभागिहरुले जीतपुरसिमरा उपमहानगरपालिका २ सिमरा निवासी जन्मजात अपाङ्गता रहेका ६३ बर्षिय दिल बहादुर बस्नेतलाई आर्थीक सहयोग समेत गरेका छन् । न्यानो कपडा खरिदका लागि १ हजार १७० रुपैंया सहयोग गरिएको समाजका सचिव लक्ष्मण साहले जानकारी दिनुभयो ।