पुष्पराज खतिवडा
२४ मंसिर २०७७
बारा
अचानक मौसममा आएको गडबडिका कारण सिमरा विमान स्थलबाट उड्ने बुधबारका सबै उडान रद्द भएका छन् । उडान रद्द भएसँगै सिमरा काठमाण्डौ रुटमा यात्रा गर्ने यात्रुहरुको आवागमन प्रभावित भएको छ ।
विहानै देखी लागेको बाक्लो कुहिरोका कारण सिमराबाट काठमाण्डौं उड्नेसबै उडान प्रभावित बनेका हुन् । जस्काकारण यहाँबाट काठमाडौं जाने ३ सय ५० बढी यात्रु अलपत्र परेको विमान स्थल कार्यालयले जनाएको छ ।
विहान ८ बजे विमान स्थल आएका निजगढ नगरपालिका ७ का धिरज कोईरालाले दिनभरी बसेर फर्कनु पर्दा तनाव भएको बताए । ९ः २०का लागि बुद्ध एयरको टिकट थियो । कुहिरोका कारण उडान रद्द हुँदा महत्वपूर्ण काम रोकिएको उनले बताए ।
यस्तै विरगजं महानगरपालिका १३ तेजारत टोलकी शोभा देवी नेपालले उडान रद्द भएपछी रात्री बसको टिकट लिएको बताईन् । १२ः२०का लागि काठमाण्डौ जान सिमरा विमान स्थल आएकी ८७ बर्षिया वृद्धा नेपालले बसको लामो यात्रा तय गर्नुपर्ने बाध्यता आईलागेको बताईन् ।
सिमराबाट आजका लागि बुद्ध एयरका ५, श्री एयरको १ र यती एयरलायन्सका २ गरी ८ वटा उडान हुने तालिका थिए । सबै उडान रद्द भैएकोे सिमरा विमान स्थल कार्यालयका सुचना अधिकारी एवं उपप्रबन्धक सुरेन्द्र सिंह कुशवाहले बताए ।
सामान्यतया विमान उडानका लागि २ हजार ४सय भिजिब्लिटी आवश्यक हुन्छ । तर बुधबार विहान शुन्य प्राय रहेको भिजिब्लीटी साँझ ५ बज्नै लाग्दा ७ सय देखी एकहजारको हाराहारी रहेको कुशवाहले जानकारी दिए । आजकै जस्तो मौसमर रहिरहेका आगामी दिकका उडानहरु समेत प्रभावित हुन सक्ने उनले बताए ।
सिमराबाट बुद्धएयरका लागि २ सय २१ जनाले टिकट काटेका थिए । उडान प्रभावित हुँदा पचास प्रतिशतजतीले टिकट रद्द गरी बस तथा साना सवारी रोजे । बाँकीले भोली जानेगरी घर फर्किएका बुद्धएयर सिमराका प्रमुख शुरेस रेग्मीले बताए ।
उनका अनुसार आजको भाडा दर सिमराबाट काठमाण्डौं स्पेशल २ हजार ४ सय र साधारण २हजार ८ सय रहेको छ । कोरोना भाईरस संक्रमणबाट लामो समय उडान बन्द थियो ।गत असोज ५ गतेदेखी पूर्णरुपमा खुलेको सिमरा विमान स्थलमा बुद्ध, श्री र यतीले नियमित उडान भर्दै आएका छन् ।
त्यस अघि बुद्धले मात्रै दैनिक ७ वटा सम्म उडान भर्दै आएकोमा पछिल्लो समय अन्य एयरलायन्सले उडान गर्न थालेपछी भाडा समेत सस्तीएको थियो ।३ हजार ५माथीको एकतर्फी भाडा १ हजार ५ सय सम्म झर्दा हवाईयात्रामा यात्रुको चाप बढेको रेग्मीले सुनाए ।
आफ्नो प्रतिक्रिया दिनुहोस् !