पुष्पराज खतिवडा
बारा
२२ मंसिर २०७७
जिल्लाको जीतपुरसिमरा उपमहानगरपालिका बाहेकका १५ पालिकाहरुमा कोरोना परिक्षणका लागि स्वाव संकलन नभएको ३ महिना वितेको छ ।
जीतपुरसिमराले प्रतेक बुधबार स्वाव संकलन गरी परिक्षणका लागि उपक्षेत्रीय अस्पताल विरगजं पठाउने गरेको भएपनी न्युन मानिस स्वाव दिन आउने गरेको पाईएको छ । पत्येक पालिकामा २ सय देखी ५ सय सम्मको हाराहारीमा भिटीएम छन् । तर परिक्षण भने नभएको जिल्ला जनस्वास्थ्य बाराका कोरोना फोकल पर्सन शंकर प्रसाद गुप्ताले बताए ।
जिल्लामा १ हजार ६८९ जनामा कोरोना पोजेटिभ देखिएकोमा ७ महिला सहित ३१ जनाको मृत्यु भएको छ । सो बाहेक ११ जना महिला ११ जना पुरुष गरी २२ जना हाल होम आईसुलेसनमा छन् ।
पहिलो कोरोना परिक्षणपछी रिपोर्ट पोजेटिभ देखिए सामाजिक रुपमा प्रताडित हुनु पर्ने डरले मानिसहरु परिक्षणमा आउन छाडेको पाहिएको हो । दोस्रो कोराना विमाबाट पाउने रकमको आकर्षण घटेकाले र तेस्रो भय कम अनि बलमिच्याईका कारण मानिसहरुले कोरोना परिक्षण गर्न छाडेको बुझिएको गुप्ताले बताए ।
यता प्रमुख जिल्ला अधिकारी दिपकराज नेपालका अनुसार जिल्ला स्वाव संकलन नभएपनि सेना प्रहरी र आवश्यकिए सेवाका ब्यक्तिहरुको स्वाव संकलन र कोरोना परिक्षण नियमित भैरहेकै छ । ग्रामिण क्षेत्रमा संक्रमणको लक्ष्यण नदेखिँदा सम्म परिक्षणको खोजि नभएकाले समेत स्वाव संकलन नभएको हो । सामान्य लक्षणका भरमा कोरोना परिक्षण गर्ने क्रम घटेको उनको भनाई छ ।
आफ्नो प्रतिक्रिया दिनुहोस् !