पुष्पराज खतिवडा
बारा
२१ मंसिर २०७७
सुक्रबार मध्यरातमा अपहरणमा परे भनिएका जीतपुरसिमरा उपमहानगरपालिका १८ कुस्माडीका ४९ बर्षिय झलक बहादुर पौडेल परिवारको सम्पर्कमा आएका छन् । मध्यरातमा पिसाब गर्न घरबाट निस्किदाँ हराएका पौडेल अपहरणमा परेको परिवारका सदस्यले बताएका थिए ।
हराएको करिब २० घण्टापछी शनिबार राती १० बजे जितपुरसिमरा उपमहानगरपालिका ४ औराहमा रहेकी बहिनी मुना बजगाँईको घरमा पुगेका थिए । डराएको आत्तिएको अवस्थामा सम्पर्कमा आएका पौडेललाई त्यहाँबाट रातिनै घर ल्याईएको थियो ।
आईतबार सबेर घरमै भेटिएका पौडेलले शनिबार दिनभर आफुलाई हिन्दीमा कुरा गर्ने २ जना मान्छे आँखामा पट्टी बाँधर घुमाएको र साँझ सिमरामा छाडेको बताए । उनीहरुले कुनै किसिमको दुब्र्यवहार नगरेको तर पैसा माग्दा आफुले दिन नसक्ने बताएको पौडेलले सुनाए ।
औराहबाट घर ल्याउँदा निकै डराउनु भैरहेको थियो । मुटुको चाल बढेको थियो । बर्बराउने गर्दैगर्दा खाना समेत नखाई सुत्नु भयो । रातभर निदाउन सक्नु भएको छैन, पौडेल पत्नी सीताले भन्नु भयो । हामी अत्तालिएका थियौं । वहाँ आउनु भयो । खोजविनमा सहयोग गर्ने सबैलाई धन्यबाद सीताले भन्नु भयो ।
ईलाका प्रहरी कार्यालय प्रहरी नायव उपरिक्षक दिपक भट्टले पौडेल सुक्रबार राती ११ बजेतिर प्रहरीको सम्पर्कमा आएको बताए । उनी अपहरण नभई विरक्तीएर हिडेझै लाग्छ । प्रहरीले घटनाका बारेमा सोधपुछ गर्दा बेसुरका कुरा गरे । त्यस्तै अवस्थामा परिवारको जिम्मा लगाएर पठायौं । थप वास्तविकता बुझ्न परिवारका सदस्य सहित पौडेललाई आज दिउँसो प्रहरी कार्यालयमा बोलाईएको छ हेरौं ,उनले बताए ।
फोटोमा ः अपहरणमा परेका भनिएको पौडल पत्नी सीताका साथमा ।
सम्वन्धित समाचार
:
