बारा
१७ मंसिर २०७७
बाबुले चलाएको मोटरसाईलको पछाडी बसेकी १७ बर्षिय किशोरीको ट्रकको ठक्करबाट बुधबार मध्यान्न ज्यान गएको छ । कलैया बरियारपुर सडक खण्डको कलैया उपमहानगरपालिका ४ मैदामिल नजिकै दुर्घटना हुँदा पचरौता नगरपालिका ८ बस्ने प्रेम नारायण चौधरीको छोरी गान्धी कुमारी चौधरीको ज्यान गएको प्रहरीले जनाएको छ ।
सदरमुकाम कलैयाबाट महागढिमाई नगरपालिकाको बरियारपुर तर्फ जाँदैगरेको प्रदेश नं.२–०३–००६ प.९३८५ नंबरको बाईकलाई सो दिशा तर्फ जाँदै गरेको ना.४ ख.२९२३ नं.को ट्रकले पछाडीबाट ठक्कर दिएको थियो ।
ट्रकको ठक्करसँगै मोटरसाईकल सहित बाबुछोरी सडकमा पछारिएका थिए । सोही क्रममा दुबैजना गम्भीर घाईते भएका थिए । टाउकोमा चोट लागेको अवस्थामा नेस्नल मेडिकल कलेज शिक्षण अस्पताल विरगजं पु¥याईएकोमा उपचारका क्रममा उनको ज्यान गएको हो ।
मृतकका बाबुको हात र खुट्टा चोट लागेको थियो । प्राथमिक उपचारपछी आजै डिस्चार्ज भएको बारा प्रहरी प्रवक्ता डिएसपी गौतम् मिश्रले जानकारी दिए ।
आफ्नो प्रतिक्रिया दिनुहोस् !