१५ मंसिर २०७७
बारा
प्रहरीले फेसबुक एकाउन्ट ह्याक गरि रकम ठगि गरेको आरोपमा एक यूवती सहित दुईजनालाई पक्राउ गरी मंगलबार सार्वजनिक गरेको छ ।
पक्राउ पर्नेमा सप्तरी जिल्ला सितापुर गाउँपालिका ३ बस्ने नन्दलाल साहको छोरा ३१वर्षका रामदेव साह र सुनसरी जिल्लाको ईटहरी उपमहानगरपालिका ४ बस्ने भुपाल गिरीकी २३ बर्षिया छोरी मनिषा गिरी भएको प्रहरीले जनाएको छ ।
जिल्लाको जितपुरसिमरा उपमहानगरपालिका वडा नं.२ बस्ने एक जना महिलाको उजुरीमा उनीहरु पक्राउ परेका हुन् ।
उनीहरुले सिमराकी महिलाको फेसबुक एकाउण्ट ह्याक गरी अश्लील फोटो बनाई नेटमा सार्वजनिक गर्ने धम्की दिई ३० हजार रकम ठगि गर्ने प्रयास गरेका थिए ।
धम्की दिइ ठगि गरेको रकम सहित सोमबार सुनसरी जिल्लाको ईटहरी उपमहानगरपालिका ६ ईटहरी बजारबाट पक्राउ गरिएको बारा प्रहरीले जनाएको छ ।
उनीहरुले ठगी वापतको रकम आईएमइ सेन्टरबाट झिकिरहेको अवस्थामा रकम सहित पक्राउ गरी बारा ल्याईएको हो ।
पक्राउ व्यक्तिहरू उपर आपराधिक लाभ मुद्दा शीर्षकमा मुद्दा दर्ता गरी जिल्ला अदालत बाराबाट पहिलो पटक दिन ५ को म्याद अनुमति लिईएको छ ।
उनीहरुलाई हिरासतमा राखी थप अनुसन्धान भइरहेको प्रहरी प्रवक्ता डिएसपी गौतम् मिश्रले जानकारी दिनुभयो ।