बारा
१४ मंसिर २०७७
प्रहरीले अबैध लागु औषध अफिम सहित प्रहरीले जिल्लको कोल्हवी नगरपालिका ६ प्रसौनाबाट दुईजनालाई पक्राउ गरेको छ । विशेष सुचनाको आधारमा खटिएको प्रहरी टोलीले उनीहरुको साथबाट २ केजी ७०० ग्राम अफिम फेला पारेको बारा प्रहरीले जनाएको छ ।
पक्राउ पर्नेमा जीतपुरसिमरा उपमहानगरपालिका १६का ४५ बर्षिय रवि बहादुर सिंजाली र सोही वडाका आर्का ४५ बर्षिय दुर्गा बहादुर मोक्तान भएको प्रहरीले जनाएको छ । उनीहरुलाई प्रहरीले शनिबार अपराहन्न पक्राउ गरि आईतबार मात्रै सार्वजनिक गरेको हो ।
लागु औषध नियन्त्रण व्यूरो शाखा कार्यालय वीरगंजमा प्राप्त विशेष सूचनाको आधारमा व्यूरो कार्यालय वीरगंजबाट प्रहरी नायव निरिक्षक तुल प्रसाद पुडासैनीको नेतृत्वको टोलीले उनीहरुलाई पक्राउ गरेको हो ।
ब्युरो र ईलाका प्रहरी कार्यालय कोल्हवीबाट खटिएको संयुक्त प्रहरी टोलीले उल्लेखित परिमाणको अफिम र ओसार पसारमा प्रयोग भएको नम्बर नखुलेको बल्सर मोटरसाईक समेत नियन्त्रणमा लिएको हो ।
पक्राउ परेका अभियूक्त उपर लागू औषध मुद्दामा जिल्ला अदालत बाराबाट ६ दिनको म्याद थप अनुमति लिई बारा प्रहरी हिरासतमा राखी अनुसन्धान भइरहेको प्रहरी प्रवक्ता डिएसपी गौतम मिश्रले जानकारी दिनुभयो ।
आफ्नो प्रतिक्रिया दिनुहोस् !