वीरगन्ज,१३ मंसिर
विभिन्न पार्टी परित्याग गरी राष्ट्रिय प्रजातन्त्र राप्रपा पार्टीमा प्रवेश गर्नेहरू पर्सामा दिन प्रतिदिन बढिरहेका छन् । अन्य ठुला राजनीतिक दलहरू आन्तरिक किचलोमा लिप्त भएपछि ती पार्टीका कार्यकर्तामा वितृष्णा जाग्नुको साथै अन्य पार्टीमा प्रवेश गर्नेको लहर पछिल्ला दिनहरूमा बढ्दै गएको छ ।
यसरी पार्टी परित्याग गर्नेहरू वैकल्पिक पार्टीको रुपमा राप्रपालाई छान्ने गरेका छन् ।
राजा आउँ देश बचाऊ भन्दै देशका विभिन्न स्थानमा र्याली तथा जुलुस स्वतः स्फूर्त रुपमा निस्की रहेको समयमा राजतन्त्र पूर्नस्थापनाको मुख्य एजेन्डा बोकेर हिँडेको सो राप्रपा पार्टीमा विशेष गरी नेकपा र काङ्ग्रेसका कार्यकर्ता प्रवेश दिनै जसो ठुलो सङ्ख्यामा प्रवेश गर्दै आएका छन् ।
सोही अनुरुप राष्ट्रिय प्रजातन्त्र पार्टी (राप्रपा ) को पार्टी प्रवेश कार्यक्रम शनिबार सम्पन्न भएको छ ।
राष्ट्रिय प्रजातन्त्र पार्टी (राप्रपा ) जिल्ला कार्य समिति पर्साले आयोजना गरेको पार्टी प्रवेश कार्यक्रम डेढ सय जनाले प्रवेश गरेका हुन ।
विगत लामो समयदेखि पार्टीमा रहेपनी पार्टीले देशका लागि केहि गर्न नसकेपछि पार्टी परित्याग गरेको नव प्रवेशीहरुले बताएका छन । पार्टी प्रवेश कार्यक्रममा पुर्व मन्त्री तथा राप्रपाका वरिष्ठ नेता राजिव पराजुली , केन्द्रिय सदस्य नगिना यादव लगायतका नेताहरुले नवप्रबेशीहरुलाई फुलमाला लगाएर स्वागत गरेका थिए । पार्टी प्रवेश कार्यक्रम राष्ट्रिय प्रजातन्त्र पार्टी (राप्रपा )पर्साका अध्यक्ष सोमेश्वर नाथको अध्यक्ष्ातामा भएको थियो ।
आफ्नो प्रतिक्रिया दिनुहोस् !