सिरहाको लाहानमा एक महिलाको संकास्पद मृत्यु
सिरहा। लहान- १८ स्थित शोभापुरमा २५ वर्षिय एक महिलाको संकास्पद मृत्यु भएको छ । मृतक महिला यसरात खातुन भएको पुष्टि नेपाल प्रहरीले गरेका छन । मृतक खातुनको पति दिल मोहम्मद वैदेशिक रोजगारमा छन । उनी आफ्नो दुई छोराछोरीसहित एक्लै घरमा बस्दै आएकी थिईन ।
स्थानीयका अनुसार खातुनलाई सोमबार राती आफन्तमा पर्ने सासु–ससुराले कुटपिट गरेका थिए । घाइते खातुनले स्थानीय औषधी पसलमा उपचार गराएको भएपनि उनको बुधबार बेलुका मृत्यु भएको प्रहरीले जनाएको छ ।
मृत्युपछि केही व्यक्तिले एम्बुलेन्समा राखि उपचार गराउन भन्दै अस्पताल पुर्याएपनि अस्पतालले मृत घोषणा गरेको इलाका प्रहरी कार्यालय लहानका डिएसपी सरत थापा क्षेत्रीले जानकारी दिए । प्रहरी घटना लगतै अस्पताल पुगेको जनाएको छ ।
महिलालाई कुटपिट गर्ने आरोपित एक जनालाई अनुसन्धानको लागि नियन्त्रणमा लिएको बताईएको छ । घटनाबारे थप अनुसन्धान भइरहेको छ । घटनाको विषयमा पोष्टमार्टमपछि सबै कुरा खुल्ने प्रहरीले बताए ।
मृतकका आमाबुबाले कुटपिटबाट छोरीको मृत्यु भएको बताएको छ । शवलाई पोष्टमार्टमका लागि लहानस्थित राउ स्मारक अस्पतालमा राखिएको छ ।
