बारा
२ मंसिर २०७७
पिलुवा कलैया सडकखण्डको बेलवाडी श्रीपुरमा मंगलबार मध्यान्न सुमो दुर्घटनामा परि एकमहिलाको घटनास्थलमै मृत्यु भएको छ । अन्य केही गम्भीर घाईते भएका छन् ।
मृत्यु हुनेमा जीतपुरसिमरा उपमहानगरपालिका १७ जैतापुरकी ४० बर्षिया सुखी धामी भएको प्रहरीले जनाएको छ ।
जैतापुरबाट कलैया जाँदै गरेको ना १ ज २८७९ सुमो कलैया उपमहानगरपालिका २४ को वेलवाडीमा सडक नजिकैको विद्युतिय पोलमा ठोक्कीएर दुर्घटना भएको हो । तिब्रगतीका कारण घुमाउरोमा अनियन्त्रीत भई सुमो पोलमा ठोकिएको प्रहरीको भनाईछ ।
दुर्घटनामा सुमोका चालक रामभजन धामी ,सावित्री चौधरी, सरस्वती धामी लगायत गम्भीर घाईत भएका छन् । अन्यको नाम खुल्न नसकेको प्रहरीले जनाएको छ । उनीहरुको विरगजं स्थीत गंडक अस्पतालमा उपचार भैरहेको छ ।
चालक रामभजनको अवस्था नाजुक देखिएपछी थप उपचारका लागि काठमाण्डौं पठाईएको प्रहरीले जनाएको छ ।
रामभजनले १५ दिन पहिलामात्रै सुमो खरिद गरेका थिए । घटना स्थलमा मृत्यु हुने धामी उनकै दिदी हुन् ।
आफैले किनेको सुमोमा आफन्त सहित टोलछिमेकका महिलाहरुका लागि छटको सामान खरिद गर्न कलैया जाँदै गर्दा सुमो दुर्घटना भएको हो ।
आफ्नो प्रतिक्रिया दिनुहोस् !