बारा
२७ कार्तिक २०७७
जग्गाको साँधसिमाको विवाद भएको निहुँमा मध्यरातमा छिमेकीको ७ लाख रुपैयाँ बढीको तरकारी बाली नष्ट गर्ने विरुद्ध प्रहरीमा उजुरी परेको छ । तर प्रहरीले उजुरी दर्ता नमानेको पिडित किसानले गुनासो गरेका छन् ।
जीतपुरसिमरा उपमहानगरपालिका ११ सिसनियाका किसान गर्भीलाल यादवको फुल्न थालेको गोलभेडा र सार्ने बेला भएको काउलीको विउ गए राती काटेर र उखालेर नष्ट गरिएको हो ।
पिडीत यादवका अनुसार विहिबार स्थानिय रामलाल यादवका छोरा सुनिल यादवसँग खेतको साँधका विषयमा सामान्य विवाद भएको थियो । सोही निहुँमा उसैले राती बालि नष्ट गरेको हो ।
तीन कठ्ठामा लागाईएको ३ हजार फुल्दै गरेको टमाटरका बोटमा १हजार ५सय काटिएका छन् ।
यस्तै ६ कठ्ठामा लगाउन तयारी हालतका करिब ६ हजार काउलीका विरुवा उखेलिएको पिडित यादवले बताए । टमाटर र काउली नोक्सानीबाट करिब ७ लाख रुपैयाँको नोक्सानी भएको उनको भनाई छ ।
पिडितका अनुसार राती करिब दश बजेतिर खेत हेर्नजाँदा आरोपित सुनिल फेला परेका थिए । त्यतिबेला सबै ठिक थियो । विहान पुग्दा नोक्सान भएको रहेछ । मल्चीङ्क प्रविधिबाट लगाईएको गोलभेडाले केही समयमानै उत्पादन दिने आशा थियो, अपराधीले बर्वाद बनाए ।
करिब दशबर्ष अघिबाट नियमित तरकारी खेतीसँगै किसानको नेतृत्व समेत गर्दै आएका गर्भिलालको बालि नष्ट गरेर गल्ती गरेको स्थानिय सन्तोष यादवले बताए । तरकारी खेतीबाटै ६ जना परिवारको गुजारा गर्दै आएका पिडित यादव माथी अन्याय भएको उनले बताए ।
यता ईलाका प्रहरी कार्यालय सिमराले भने आरोपीत सुनिल यादवले समेत आफ्नो परिवारका सदस्य माथी गर्भीलालको परिवारले कुटपिट गरेको भनि उजुरी दिएको बताएको छ । मेरी आमालाई मरणासन्न हुने गरी कुटपीट गरेर आफैंले बालि नष्ट गरी अभियोग मलाई लगाईएकाले आरोपमा सत्यता नभएको निवेदनमा उल्लेख गरेका छन् ।
दुबैपक्षबाट आफुहरु अन्यायमा परेको भन्दै उजुरी परेपछी प्रहरीले अनुसन्धान थालेको ईलाका प्रहरी कार्यालय सिमराका प्रहरी निरिक्षक राजकिशोर साहले बताए । स्थानिय प्रहरी चौकी फत्तेपुरलाई घटनाको मुचुल्का तयार पार्न भनेका छौं ।
प्रहरी अनुसन्धान सहित घटनाको वास्तविक मुचुल्का आधारमा छलफल गर्ने गरी दुवैपक्षलाई मंसिर ८ कालागि बोलाईएको उनले बताए ।
