संजय यादव, १३ कात्तिक
गोलबजार, सिरहा
सिरहा जिल्ला प्रमुख अधिकारी प्रदीपराज कणेलले सार्बजनिक जग्गा हत्याउनेलाई आवश्यक कानूनी दायरामा ल्याउन सम्बन्धीत निकायलाई लिखित पत्राचार गरिसकेको बताएका छन् । प्रमुख जिल्ला अधिकारी कणेलले भने, त्यस्ता ब्यक्तिहरुलाई कानूनी दायरामा ल्याउनको लागि जिल्ला प्रहरी कार्यालय, अख्तियार दुरुपयोग अनुसन्धानलाई लिखित पत्र पठाईसकेको र मैले सिडियोको हैसियतले गर्नुपर्ने काममा कतैकही पनि नचुकेको बताए । रेडियो आकाशगंगा एफएम गोलबजारका पत्रकार संजय यादवसंगको अन्तरवार्तामा सिडियो कणेलले भने, भूमाफिया को हो म चिन्दिन, उनीहरुसंग मेरो कुनै किसिमको साँठगाँठ र उठबस नरहेको समेत बताए । सिडियो कणेलले थपे, मेरो काम कानून कार्यान्वयन गराउने काम रहेको बताए । डिभिजन वन कार्यालयको प्रमुखको संयोजकत्वमा सिरहा र लहानको मालपोत, नापी कार्यालयको प्रमुख र सम्बन्धीत वार्डका वडा अध्यक्षहरु समेतको सम्लित समितिले सार्वजनिक जग्गा कसरी ब्यक्तिले हत्यायो भनेर तथ्यांक लिने र यसमा सिडियोले समन्वयात्मक भूमिका खेल्ने सिडियो कणेलले बताए ।
कारोना माहामारी तीब्ररुपले बढीरहेको बेला जिल्ला प्रशासन कार्यालयले निर्देशन जारी गर्छ, भिडभाड नगर्नु, सामाजिक दूरी कायम राख्नु भनेर तर निर्देशनको ब्यापक उलंघन भईरहेछ नि भन्ने प्रश्नमा सिडियो कणेलले भने, नागरिक कर्तब्यको बोध हुनु जरुरी छ, सचेतना नजागे सम्म यस्तै भईरहन्छ । चेतनाको कमीले नै यस्तो भईरहेको सिडियो कणेलले भने । नागरिक सचेतनाको पाटो निकै नै कमजोर रहेकोले यसले भयवाह रुप लिन सक्ने समेत बताए ।
आफ्नो प्रतिक्रिया दिनुहोस् !