मुकेश कुमार यादव
लहान कार्तिक १३ । सिरहाको विष्णुपुर गाउँपालिका अध्यक्ष जागेश्वर यादवले कर्मचारी भर्ना देखि ठेक्का सम्मका काममा मनमानि गरेको वडा १का अध्यक्ष गोपेन्द्र यादवले आरोप लगाएका छन ।
वडा अध्यक्ष यादवले कार्तिक १२ गते पत्रकार सम्मेलन गर्दै विष्णुर गाउँपालिका अध्यक्ष जागेश्वर यादवले कार्यपालिकामा निर्णय नगरी एकल निर्णय गरी अनियमिता समेत गरेको आरोप लगाएको छन ।
अध्यक्ष जागेश्वरले कर्मचारी भर्ना,पोखरी ठेक्का,विकास निर्माणका काममा समेत मनमना गरेका छन ।
यस वडामा १६ वटा पोखरी छन । ति पोखरीहरु वडा अध्यक्षलाई समेत जानकारी नगराई अवैध तथा गोप्य सुचना निकालेर आसेपासेलाई विगत भन्दा धेरै मुल्य घटाएर ठिक्का लगाएको आरोप छ ।
अमात पोखरी गौरीपुर ३ वर्षको लागि ३ लाखमा दिएको थियो तर आफ्ना कार्यकर्ता पालन पालिका अध्यक्षले सोहि पोखरी ५ वर्षको लागि २ लाखमा लगाएको छ । अधिकाँश पाखरीको मुल्य घटाएर ठेक्का लगाएको वडा अध्यक्ष गोपिन्द्रको आरोप छ ।
कर्मचारी भर्ना,पोखरी ठेक्का र विकास निर्माण लगायतका कार्यहरुलाई पनि विधि र प्रकृया अपनाएर कार्य अगाडी बढाउन वडा अध्यक्ष माग गरेको छ ।
माग समयमा पुरा नभए हामी स्थानियवासी गाउँपालिका पालिका अध्यक्ष जागेश्वर विरुध्द चरणबध्द आन्दोनमा उत्रिने वडा अध्यक्ष यादवले वताए ।
यसवारे गाउँपालिका अध्यक्ष जागेश्वर यादवले भने अहिले हामि के भनै सनिवार विहान १० वजे पत्रकार सम्मेल गरीनै पुर्ण जानकारी गराउँछु ।
