वीरगन्ज,११ कातिक
नेकपा पर्साका जिल्ला सदस्य मुकेश चौरसियाको मृत्यु प्रकरणबारे जाहेरी दर्ता गर्न माग गर्दै मंगलवार पाँचौ दिनको विरोध प्रदर्शनमा प्रहरी उपरीक्षक गंगा पन्तको पुतला दहन भएको छ ।
मंगलबार १ घण्टा ५ मिनेट मौन धारण, प्रहरीको विरुद्धमा नारावाजी गर्नुका साथै पर्सा प्रहरी प्रमुख गङ्गा पन्तको पुतला समेत दहन गरिएको अनेरास्ववियूका युवा नेता विकेश यादवले जानकारी दिए ।
हाम्रो मुद्धा दर्ता गर, हत्यारालाई कारवाही गर, निकम्मा प्रशासन मुर्दावाद, हाम्रो आन्दोलन जारी छ, लगायतका नारा लगाउँदै सयौँको उपस्थितीमा विरोध प्रदर्शन गरिएको यादवले बताए ।
नेकपा विन्दवासिनि गाउँपालिकाको सपत ग्रहण कार्यक्रममा भएको दुई पक्षविचको झडपका क्रममा घाइते भई उपचारको क्रममा निधन भएका मुकेश चौरसियालाई न्यायको माग गर्दै लगातार ५ दिनदेखी प्रदर्शन भइरहेको छ ।
नेपाल कम्युनिष्ट पार्टी नेकपा पर्साका जिल्ला सचिब विजय महतोको अध्यक्षतामा भएको विरोध प्रदर्शनमा जिल्ला ईन्चार्ज रामचन्द्र साह, नेकपाका नेताहरु छोटेलाल यादब, बालगोपाल थापा, बालेश्वर थारु, रहबर अन्सारी, मनोज चौधरी, शम्भु गुप्ता ,अरुण यादव , अनेरास्ववियु पर्साका सह संयोजक मित्रदेव यादव , मेराजुल हवारी ,नसिम अख्तर , जेयाद अन्सारी लगायतको उपस्थिती रहेको थियो ।
