बारा
५ असोज २०७७
प्रहरीले बुधबार अपराहन्न जिल्लाको सिम्रौनगढ नगरपालिका ९ सानो बंकुलमा नियमित चेकजाँचका क्रममा एक भारतीयलाई हतियार सहित पक्राउ गरेकोे छ ।
प्रहरीलाई गोली हानी भाग्न खोजेकाले गोलीहानी उनलाई नियन्त्रणमा लिनु परेको बारा प्रहरीले जनाएको छ । भारतबाट नेपाल आउँदै गरेका भारत बिहार जिल्लाको मोतिहारी पुर्वी चम्पारण दुधिअवा बस्ने २८ बर्षका बृजकिशोर कुशवाहालाई प्रहरीले हतियार सहित पक्राउ गरेको हो ।
उनी माथी शंका लागेर रोक्न खोज्दा ेकुशहवाले आफुसँग रहेको पेस्तोलबाट प्रहरी टोलीमाथी फायर गरेका थिए । उनको पेस्तोल मिस फायर भएको अवस्थामा प्रहरीले जबाफी कारवाही गर्दा कुशवाहको बाँया पाखुरामा गोली लागेको छ ।
गोली लागि घाईते भएका कशवाहाको साथबाट प्रहरीले पेस्तोल थान १ सोको चारवटा गोली सहितको म्याग्जिन १ र चेम्बेरमा लोड रहेको मिस फायर गोली १ समेत गरी जम्मा ५ राउण्ड गोली बरामद भएको बारा प्रहरीले जनाएको छ ।
घाईते अवस्थामा पक्राउ परेका उनलाई उपचार गरी थप अनुसन्धान भई रहेको बारा प्रहरी प्रवक्ता गौतम् मिश्रले जानकारी दिए ।
आफ्नो प्रतिक्रिया दिनुहोस् !