वीरगन्ज,३० असोज /
सतारुढ दल नेपाल कम्युनिष्ट पार्टी (नेकपा) पर्साको विवाद केहि दिनयता सार्वजनिक रुपमा छताछुल्ल भएको छ । जिल्लामा रहेको पालिका कमिटी सपथ ग्रहणको नाममा अलग अलग समुह बनाएर नेताहरु सक्रिय भएपछि सार्वजनिक रुपमा विवाद छताछुल्ल भएको हो । नेकपा पार्टीमा माथीदेखी नै तत्कालिन माओवादी केन्द्र र तत्कालिन एमाले पार्टीको दुई धार छ ।
जसमा तत्कालिन एमाले भित्र माधव नेपाल र केपी ओलीको अलग अलग गुट छ । भने तत्कालिन माओवादी केन्द्रमा प्रचण्डको गुट खुल्ला प्रष्ट छ । केन्द्रिय नेताहरु जस्तै पर्सामा पनि केपी ओली ,प्रचण्ड र माधव नेपालको गुट बनाएर नेताहरु स्पष्ट रुपमा विभाजित छन ।
जिल्लामा अहिले पालिका कमिटी सपथ ग्रहणको नाममा केपी ओली गुट अलग रुपमा पालिकाको सपथ ग्रहणमा सहभागी भईरहेको छ । भने प्रचण्ड र माधव नेपाल गुटले एउटा टोली बनाएको छ ।
गत असोज २६ मा केपी ओली गुटका नेताले अन्य गुटका केहि नेतालाई वेवास्ता गरेर संखुवा प्रसौनी गाँउपालिका कमिटीलाई पद तथा गोपनीयताको सपथ ग्रहण गरेको सार्वजनिक भएपछि विवाद उत्कर्षमा आएको हो ।
सखुवाप्रसौनी गाउँपालिका कमिटिको सपथ ग्रहण सम्पन्न भएकै दिन प्रचण्ड र माधव नेपाल गुटका नेताहरुले नेकपा सखुवाप्रसौनी गाउँपालिका कमिटिको सपथ ग्रहण कार्यक्रम अधिकारीक नरहेको बताए ।
नेकपाका केन्द्रिय सदस्य एवं जिल्ला ईन्चार्ज रामचन्द्र साह र जिल्ला सचिव विजय महतोले तत्कालिन एमालेको समुहका केहि नेताहरुले सखुवाप्रसौनी गाउँपालिका कमिटिको सपथ ग्रहण कार्यक्रममा गाउँपालिकाकै सचिव कन्हैया साह तेलीलाई जानकारी नगराएर एकपक्षीय कार्यक्रम गरेको आरोप लगाए ।
उनीहरुले पार्टीका केहि नेताहरुले एकलौटी ढंगबाट पार्टीको एकताको भावना विपरित अगाडी बढेको भन्दै सपथ ग्रहण अधिकारी नभएको भन्दै स्पष्ट पारे । कार्यक्रम अधिकारी नभने केन्द्रिय सदस्य साह माधव नेपाल र जिल्ला सचिव महतो प्रचण्ड गुटका हुन । अहिले लगातार प्रचण्ड र माधव नेपाल गुट विभिन्न पालिकामा अगाडी सपथ ग्रहण गराउँदै आएका छन । भने ओली गुट पनि अधिकारी सपथ ग्रहण गराउदै आएको दावि गर्दै आएको छ ।

एउटै कमिटि दुई पटक सपथ , अधिकारीक कुन ?

पर्साको जिराभवानी गाँउपालिका र ठोरी गाँउपालिका कमिटीमा दुई दिनमा दुई गुटको अलग अलग सपथ ग्रहण भएको छ । बिहिबार (२९ गते ) प्रचण्ड —माधव गुटको तर्फबाट नेकपाका केन्द्रिय सदस्य एवम् पर्सा जिल्ला इन्चार्ज रामचन्द्र साहले जिराभवानीपुर गाउँपालिका र ठोरी गाँउपालिका कमिटीका पदाधिकारी एवम् सदस्यहरूलाई पद तथा गोपनीयताको शपथ गराए ।सपथ ग्रहण कार्यक्रममा प्रचण्ड र माधव गुटका नेकपाका केन्द्रिय सदस्य एवं वीरगंज महानगर कमिटीका इन्चार्ज दिनेश राई, जिल्ला सचिव विजय महतो ,प्रदेश कमिटी सदस्य छोटेलाल यादव, बालेश्वर थारु, बालगोपाल थापा, जिल्ला कमिटी सदस्यहरु उषमान अंसारी , अरुण यादव लगायतको उपस्थिति रह्योे ।
यस्तै शुक्रबार( ३० गते) ओली गुटको तर्फबाट नेकपा केन्द्रिय सदस्य निर्मला देवकोटाले जिराभवानीपुर गाउँपालिका र ठोरी गाँउपालिकाका पदधिकारीलाई शपथ ग्रहण गराईन । सपथ ग्रहण कार्यक्रममा ओलीगुुटका नेकपा पर्सा अध्यक्ष प्रभु हजरा,संबिधान सभा सदस्य राजकुमार गुप्ता, प्रधुम्न चौहान, जयप्रकाश थारु, जुनैद अंसारी,नेताहरु विश्मभर शर्मा, ठाकुर न्यौपाने,बाबुराम कौशिक, जालिम मियाँ, रामबाबु बैठा, रामप्रित महतो,लेखमान थापा, बालकृष्ण श्रेष्ठ,अमिताप बच्चन दास,उषा चौधरी, श्याम बन्जारा, प्रताप श्रेष्ठ,लालबहादुर श्रेष्ठ, अनुप तिवारी, केसी लामिछाने लगायतको सहभागी भए ।
यस्तै शुक्रबार( ३० गते वीरगन्ज रामगढवामा रहेको नेकपा पर्सा पार्टी कार्यालयमा प्रचण्ड र माधव गुटको छिपहरमाई गाँउपालिका कमिटिको सपथ ग्रहण सम्पन्न भएको छ । सपथ ग्रहण कार्यक्रममा प्रचण्ड र माधव गुटका नेकपाका केन्द्रिय सदस्य एवम् पर्सा जिल्ला इन्चार्ज रामचन्द्र साहले , केन्द्रिय सदस्य एवं वीरगंज महानगर कमिटीका इन्चार्ज दिनेश राई, जिल्ला सचिव विजय महतो ,प्रदेश कमिटी सदस्य छोटेलाल यादव, बालेश्वर थारु, बालगोपाल थापा, जिल्ला कमिटी सदस्यहरु विचारी यादव , राघव साह ,उषमान अंसारी लगायतको उपस्थिति थियो ।
जिराभवानी र ठोरी गाँउपालिकामा दुई दिनमा एउटै कमिटीलाई दुई गुटले अलग अलग अधिकारीक भनेर सपथ ग्रहण गराएपछि अधिकारी कुन हो कसलाई मान्ने भन्दै कार्यकर्ताहरुमा अन्यौलता बढेको छ ।
एक जिल्ला कमिटीका सदस्यका अनुसार पार्टीमा दलाल र व्यापारीहरुको बिगाबिगी बढेकाले पार्टीको विवाद सार्वजनिक रुपमा देखापरेको छ । उनका अनुसार दलाल र व्यपारीका कारण पर्सामा नेकपा पार्टी कहिले पनि नजित्ने र दलाल र व्यापारीको पार्टी भनेर चिनिने ठोकुवा गरे । यसले गर्दा सोझा साझा नेकपाका कार्यकर्ताहरुमा पार्टी प्रति वितृष्णा बढेको छ ।

कार्यकर्तामा निरासा
सतारुढ दल नेपाल कम्युनिष्ट पार्टी (नेकपा) पर्साको विवाद सार्वजनिक रुपमा छताछुल्ल भएपछि कार्यकर्ताहरुमा निरासा छाएको छ । नेकपा पर्साका केहि नेताहरुका कारण जिल्ला सक्रिय सदस्यता लिएका गाँउ गाँउका सोभाm साझा कार्यकर्ताहरुमा निरासा छाएको बताएका छन । जिल्लाका केहि नेताहरुले अहिले सार्वजनिक रुपमा गुट बनाएर गाँउ गाँउ पुगेर विवाद सिर्जना गरेपछि अगामी दिनको निर्वाचनमा ठुलो क्षति हुने उनीहरुको भनाई छ ।
पार्टीका सक्रिय कार्यकर्ताहरुका अनुसार नेकपा पर्सामा पनि ओली ,प्रचण्ड र माधव नेपाल गुट बनाएर एउटै कमिटिलाई दुई पटक सपथ ग्रहण गराउदाँ दुख व्यतm गरेका छन । पार्टीलाई आफ्नो पेवा बनाएर गुट चलाएका कारण (नेकपा) पार्टी प्रति नकरातमक सोच देखापरेको उनीहरुको भनाई छ । पर्सामा केहि स्वार्थि , दलाल र व्यापारी नेताहरुले केन्द्रिय नेताको चम्चागिरी गर्दै अगाडी बढी रहेको र पार्टीको एकतालाई भड्काउने काम भइरहेको कार्यकर्ताहरु बताउँछन ।