वीरगन्ज,२४ असोज /
बाराको परवानीपुर गाँउपालिका वडा नम्बर ५ बहुवरीमा नेपाल कम्युनिष्ट पार्टी (नेकपा)को पार्टी प्रबेश कार्यक्रम आज सम्पन्न भएको छ । नेपाली कांग्रेस निकट भातृसंगठन तरुण दलका युवाहरुले (नेकपा)मा पार्टी प्रवेश गरेका हुन । बहुवरी निवासी तरुण दलका युवा नेता छोटेलाल पटेलको नेतृत्वमा एकसय कार्यकर्ता भन्दा बढि नेकपामा प्रबेश गरेको नेकपाका युवा नेता रमेश महतोले जानकारी दिए ।
नवप्रवेशीहरुलाई नेकपाका नेताहरुले टिका र माला लगाएर पार्टीमा स्वागत गरेको युवा नेता महतोले बताए । पार्टी प्रवेश कार्यक्रममा नेपाल कम्युनिष्ट पार्टी (नेकपा)का केन्द्रिय सदस्यहरु अच्युत मैनाली ,दिनेश राई ,बलबिर चौधरी ,गोपाल ठाकुर ,जिल्ला अध्यक्ष अनिल श्रेष्ठ लगायतकाको सहभागीता रहेको थियो ।