वीरगन्ज,२४ असोज जनता समाजवादी पार्टी पर्साको अगामी असोज २६ र २७ गते हुने पार्टी प्रवेश कार्यक्रमको पुर्व तयारी बैठक आज सम्पन्न भएको छ । जनता समाजवादी पार्टी पर्साका अध्यक्ष रामनरेश यादव र जगदीश पटेलको संयुतm अध्यक्ष्तामा बसेको बैठकले जिल्लाको विभिन्न पालिकामा पार्टी प्रवेश गराउनलाई पुर्व तयारी बैठक सम्पन्न भएको हो । असोज २६ र २७ मा पर्साको संखुवा प्रसौनी गाँउपालिका ,बिन्दाबासिनी गाँउपालिका, पकाहा मैनपुर गाँउपालिका र ठोरी गाँउपालिकाको सुर्वणपुरमा पार्टी प्रवेश कार्यक्रम हुने बैठकमा जानकारी गराईएको छ । बैठकमा सहभागीहरुले पार्टी प्रवेश कार्यक्रममा जनता समाजवादी पार्टीका केन्द्रिय अध्यक्ष उपेन्द्र यादव र बरिष्ठ नेता डा.बाबुराम भटट्राई सहभागी हुने जानकारी गराएका हुन । जिल्ला समन्वय समिति पर्साको सभाहलमा आयोजित बैठकमा सहभागीहरुले जनता समाजवादी पार्टी पर्सामा बृहत पार्टी प्रवेश गराएर जिल्लाको एक नम्बरको पार्टी बनाउने बताएका छन । उनीहरुले अगामी दिनमा पनि जिल्लामा पार्टी प्रवेश कार्यक्रम आयोजना गरी रहने बताएका हुन । साथै असोज २६ र २७ गते हुने पार्टी प्रवेश कार्यक्रमलाई भब्य तथा सभ्य रूपमा सफल बनाउन सम्पुर्ण नेता तथा कार्यकर्ताहरुलाइ अनुरोध समेत गरीएको छ । पार्टी प्रवेश कार्यक्रमको पुर्व तयारी बैठकमा जनता समाजवादी पार्टीका नेता एवं पर्सा क्षेत्र नम्बर १ का सांसद प्रदिप यादव ,प्रदेश सभा सदस्यहरु रमेश कुर्मी साह,जन्नत अन्सारी, नेताहरु शिव पटेल ,राजेश साह ,तबरेज अहमद ,बिरेन्द्र यादव ,रामचन्द्र पण्डित लगायतको सहभागीता रहेको थियो ।