ठुलो परिमाणको लागु औषध गाँजा सहित ट्रक प्रहरी नियन्त्रणमा

बारा
२१ असोज २०७७
ईलाका प्रहरी कार्यालय जितपुरले बुधबार बिहान आफ्नै कार्यालय अगाडी ठुलो परिमाणको लागु औषध गाँजा सहित ट्रक नियन्त्रणमा लिएको छ । बिरगजं पथलैया सडकखण्ड अन्तरगत जीतपुरसिमरा उपमहानगरपालिका ७ को जितपुरमा विहान ३ बजे सवारी चेक जाँच गर्दा ट्रकमा १ सय ४७ किलो गाँजा फेला परेको प्रहरीले जनाएको छ ।
ईलाका प्रहरी कार्यालय जीतपुरका प्रहरी नायब निरीक्षक देवबहादुर चन्दको कमाण्डमा खटिएको टोलीले पथलैयाबाट बिरगंज तर्फ जाँदै गरेको ना ७ ख ९५५४ नम्बरको ट्रकमा गाँजा फेला पारेको हो ।
प्रहरी टोलीले कार्यालय अगाडी सडकमा सवारी चेक जांच गर्दै थियो । सोही क्रममा ३ वटा ट्रकको पछाडी रोकिएको ट्रकमा लुकाएर राखिएका ७ वटा पोकामा सो परिमाणको आगुऔषध गाँजा बरामद भएको हो । सवारी चेकजाँच भैरहेको देखेपछी चालक ट्रकछाडी भागे छन् । ट्रक अलपत्र परेको र शंका लागी चेकजांच गर्दा गाँजा बरामद भएको बाराका प्रहरी नायब उपरीक्षक गौतम् मिश्रले जानकारी दिए ।
गाँजा सहित नियन्त्रणमा लिएको ट्रक जिल्ला प्रहरी कार्यालय बारामा राखिएको र ट्रक चालकको खोजी भैरहेको डिएपी मिश्रले बताए ।