चाडबाड लक्षीत शुफत मुल्य पसल संचालनमा आउने

बारा
२१ असोज २०७७
जीतपुरसिमरा उपमहानगरपालिका स्तरिय नगर उद्योग वाणिज्य संघ जितपुरले चाडबाड लक्ष्यीत शुफत मुल्य पसल संचालनमा ल्याउने भएको छ । संघको कार्यालय जितपुरमा मंगलबार बसेको बैठकले उपमहानगरको वडा नं.७ अन्तरगत जितपुर बजारमा केही दिनभित्र शुफल मुल्यको किराना पसल संचालनमा ल्याउने निर्णय गरेको हो ।
कोरोना भाईरस संक्रमण र महामारीको त्रासका बिच सुरक्षित रहँदै सुरक्षा र स्वास्थ मापदण्ड पालना गरि उद्योग , ब्यापार, ब्यवसाय संचालन गर्न नगर संघले आह्वान समेत गरेको संघका बरिस्ठ उपाध्यक्ष मोहन शर्मा लामिछानेले जानकारी दिए ।
यस्तै आफ्ना सदस्यहरुको सहजताका लागि आन्तरिक राजश्व कार्यालयमा कर चुक्ता प्रमाण लिन आवश्यक डे वान विवरण संघ कार्यालयबाटै निशुल्क भरिदिने ब्यवस्था मिलाउने छ । भने जितपुरसिमरा आसपासका सेवा ग्राहीका लागि घरेलु तथा साना उद्योगको सेवाकेन्द्र माग गर्ने समेत बैठकमा निर्णय भएको संघका बरिस्ठ उपाध्यक्ष शर्माले बताए ।
यसैगरी नगर संघले नगरको दुर्गमका रुपमा रहेको वडा नंं. २२ को चकरी डम्बरपुरबाट जितपुरसम्म बस सेवा संचालन गर्ने निर्णय गरेको उनले बताए । बससेवा नगर संघको जिम्मा रहेको एम्बुलेन्स विग्रीएको हुँदा सोको मर्मत गराई पुनः संचालनमा ल्याउने निर्णय भएको शर्माले जानकारी दिए ।
संघका अध्यक्ष संजय कुमार साहको अध्यक्षतामा सम्पन्न बैठकमा नि. बर्तमन अध्यक्ष घनश्याम गिरी बरिष्ठ उपाध्यक्ष मोहन शर्मा लामिछानेसंगै अन्य पदाधिकारी, एवं सदस्यहरुको सहभागिता थियो ।
संघमा हाल ३ हजार बढि साना ब्यवसायी आवद्ध रहेको संघले जनाएको छ ।