पर्सा प्रहरीले एकसय ३१ किलो गाजा बरामद

पर्सा प्रहरीले बुधबार राती प्रतिबन्धित लागु औषध गाँजा सहित एक जनालाई पक्राउ गरेको छ । पक्राउ पर्नेमा पटेर्वासुगौली गाउपालिका ५ देउरियाका राजु ओझैया रहेका छन । उनको साथबाट एकसय ३१ किलो गाजा बरामद भएको पर्साका प्रहरी प्रवक्ता मनोजित कुँवरले जानकारी दिए ।विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले ओझैयाको घरमा छापा मारेर गाजासहित पक्राउ गरेको उनले बताए । गाजासहित पक्राउ परेका ओझैयालाई जिल्ला प्रहरी कार्यालय पर्साको हिरासतमा राखेर थप अनुसन्धान भइरहेको कुँवरले बताए । ओझैयाको घरमा छापा मारेर खानतलासी गर्दा धेरै पोकामा रहेको एकसय ३१ केजी गाजा बरामद भएको प्रहरीले जनाएको छ