वीरगन्ज,१० असोज लायन्स क्लब अब वीरगन्ज, लियो क्लब अफ गञ्जभवानीपुर र लियो क्लब अफ वीरगन्जले आज रक्तदान कार्यक्रमको आयोजना गरेको छ । वीरगन्जको छपकैयामा रहेको लायन्स क्लबको भवनमा आयोजित कार्यक्रममा दुईजना महिला सहित ४७ जनाले रक्तदान गरेका छन् । रक्तदान गर्नेहरुमा दिव्या गिरी, रोशनी श्रेष्ठ, तिवारी यादव, सन्नी आलम, विशाल यादव, श्रीकान्त सहनी, सैफली आलम लगायत रहेका छन् । लायन्स क्लब अफ वीरगन्जका अध्यक्ष विजय गुप्ताको अध्यक्षतामा भएको रक्तदान कार्यक्रममा प्रमुख अतिथि पर्साका प्रमुख जिल्ला अधिकारी आशमान तामाङ, अतिथिहरु जिल्ला प्रहरी कार्यालय पर्साका प्रवक्ता प्रहरी नायव उपरीक्षक मनोजित कुवँर, नारायणी अस्पतालका चिकित्सक डाक्टर उदयनारयण सिंह, लायन्स क्लब अफ वीरगन्जका पप्पु श्रीवास्तव,लियो क्लब अफ वीरगन्जका भगवती सिग्देल , दिव्या गीरी ,जेयाद अंसारी ,बिकेश यादव लगायतको उपस्थिति रहेको लियो क्लब अफ वीरगन्जका अध्यक्ष मेराजुल हवारीले जानकारी दिए ।