वीरगन्ज,६ असोज पर्सामा कार्यरत नेपाल प्रहरीका ५ जना प्रहरी निरीक्षकको एकैपटक सरुवा भएको छ । प्रहरी प्रधान कार्यालयले निकालेको सरुवा सुचीमा पर्सामा कार्यरत ५ जना प्रहरी निरीक्षक सरुवा सुचीमा परेका हुन । प्रधान कार्यालयको असोज ५ गते निकालेको सरुवा सुचीमा जिल्ला प्रहरी पर्सामा कार्यरत २ जना ,वडा प्रहरी कार्यालय बिर्ताका प्रहरी प्रमुख , इलाका प्रहरी कार्यालय पोखरिया र पटेर्वा सुगौलीका प्रहरी निरीक्षक रहेका छन ।
जसमा जिल्ला प्रहरी कार्यालय पर्साको क्राइम शाखाका प्रमुख रवि भुषण यादवको प्रदेश १ को बिराटनगर मोरङमा सरुवा भएको छ । यस्तै जिल्ला प्रहरी कार्यालय पर्सामै कार्यरत लक्ष्मण गिरीको काठमाडौं सरुवा भएको छ । भने पर्सामा कार्यभार सम्हालेदेखीको बदनाम प्रहरी निरीक्षक एवं वडा प्रहरी कार्यालय विर्ताको प्रहरी प्रमुख निर्मल पनेरूको पनि काठमाडौं सरुवा भएको पत्रमा उल्लेख छ ।त्यस्तै इलाका प्रहरी कार्यालय पटेर्वा सुगौलीका प्रहरी निरीक्षक दिपक चोरभारको सर्लाही सरुवा भएको हो । भने ईलाका प्रहरी कार्यालय पोखरियाका प्रहरी प्रमुख चन्द्रकुमार सिंहको काठमाडौं सरुवा भएको छ ।
