संविधान घोषणाको दिनमा खुसि मनाउँदै दीप प्रज्वलन

वीरगञ्ज ३ असोज । पाँचौं संविधान दिवसको अवसरमा राष्ट्रिय युवा संघ पर्साले वीरगञ्जमा दीप प्रज्वलन गरेको छ ।

संघले वीरगञ्जस्थित घण्टाघर चोकमा भौतिक दूरीको मापदण्डलाई पालना गर्दै नेपालले लामो संघर्षपछि प्राप्त गरेको संविधान घोषणाको दिनमा खुसि मनाउँदै दीप प्रज्वलन गरेको हो ।

कार्यक्रममा बोल्दै वक्ताहरुले संशोधनबाट मधेसी, थारू, आदिवासी जनजातिलगायत समुदायका गुनासाको यथोचित सम्बोधन भई संविधानको स्वीकार्यता अझ फराकिलो हुने र यसको पूर्ण कार्यान्वयनले गति लिने विश्वास लिएको बताए ।

उनीहरुले विश्वका कुनै पनि संविधान एकैचोटि पूर्ण नभएको बताउँदै समय समयमा हुने संशोधनबाट संविधान परिष्कृत र परिपक्व हुने धारणा राखेका थिए ।

संविधान गतिशील र जीवन्त दस्तावेज भएकाले मुलुकको वस्तुगत परिस्थिति र जनताको आकाङ्क्षाअनुसार यसलाई संशोधन गर्नुपर्ने वक्ताहरुले विचार व्यक्त गरेका थिए ।

संघका जिल्ला अध्यक्ष मोहम्मद निजामको सभापतित्वमा भएको कार्यक्रममा नेकपा पर्साका जिल्ला अध्यक्ष प्रभु हजारा प्रमुख अतिथि रहनुभएको थियो । त्यसैगरी कार्यक्रममा संविधान सभा सदस्य राजकुमार गुप्ता, तेज प्रकाश निषाध, बाबुराम कौशिक, विना शर्मा, विकाश रौनियार, जुवेर आलम, मित्रदेव यादव, सन्तोष पासवान, सुदीप लामा, पिन्टु रौनियार, शिवशंकर यादव, अकलेश साह, महमुद आलम, सन्दीप साह, मेराजुल हवारीम जुकेश पाल, उमेश ठाकुर, कृष्ण यादव, सागिर अहमदलगायतको उपस्थिति रहेको थियो ।

कार्यक्रमको सञ्चालन ओम प्रकाश् गुप्ताले गरेका थिए ।