सप्तरी २७ अाइतबार । समाजवादी पार्टीका केन्द्रिय युवा नेता तथा राजनीतिक विश्लेषक राजेश विद्रोहीले अबको युग सांस्कृतिक क्रान्तिको युग भएको बताउनुभएको छ ।
सप्तरीको खड्क नगरपालिका ८, दिनाभद्री स्थानमा सम्पन्न दलित जनजागरण अभियान कार्यक्रमको विशिष्ट अतिथिको रुपमा सम्बोधन गर्दै विद्रोहीले त्यसो भनेका हुन । उनले भने, मुलुकमा सबैखाले अान्दोलन भए तर, ती सबै अान्दोलनहरु शोषक र सामन्तहरुको कब्जामा पुगे । त्यसको एउटै कारण समाजमा पुस्तौंदेखि जडा गाडेर बसेका रुढीबादी समाजिक संस्कार र संस्कृति हो । जसको कारण दलितहरू अहिलेसम्म विभेदको जीवन बाँची रहेका छन् । यसलाई नभत्काई हुँदैन । भत्काउने जिम्मेवारी दलितहरूको काँधमा अाएको छ । त्यसैले यसको अन्त्य जरुरी छ । यसको अन्त्य नभएसम्म समाजिक राजनीतिक परिवर्तन असम्भव छ । यसका लागि दलितहरुले सांस्कृतिक क्रान्ति लडनै पर्ने बताए ।
सयौंको संख्यामा उपस्थित जनजागरण कार्यक्रमको अध्यक्षता लोचन सदाले गरेका थिए भने कार्यक्रमका प्रमुख अतिथि संयुक्त दलित संघर्ष समितिका सप्तरी जिल्ला अध्यक्ष प्रथमलाल रामलेे गरेका थिए । त्यस्तै अतिथिहरुमा गंगा पासवान, बद्री सदा, चन्द्रनारायण राम लगायतले गरेका थिए भने कार्यक्रमको संचालन सियाराम पासवानले गरेका थिए । कार्यक्रममा अतिथिहरुले अहिलेको महामारीको समयमा दलितमाथिको हत्या, हिंसा र बलात्कारका घटनाहरु बढेकाले दलित जनजागरण अभियान संचालन गर्नुपर्ने बाध्यता दलित समुदायलाई भएको महसुस गरि यो कार्यक्रमको संचालन भएको बताएका थिए ।
आफ्नो प्रतिक्रिया दिनुहोस् !