सिरहा, २६ भदौ । सिरहाको दक्षिणवर्ती गाउँपालिका बरियारपट्टी भ्रष्टाचारको अखाडा बन्दै गएको स्थानीयको व्यापक गुनासो रहेको छ । बिना कुनै बोर्डको निर्णय गा.पाका प्रमुख प्रशाकिय अधिकृत अशोक कुमार महतोले अध्यक्ष बाहेकका अन्य जनप्रतिनिधि र कर्मचारीको सेटिङमा करोडौं रकम कुमल्याएको खबर छ ।
कार्यालय ब्यवस्थापन, पंखा, हिटर, मेसिनरी औजार, सिसिटिभी लगायतका विधुतिय सामग्री, स्वास्थ तथा वडा कार्यालयहरुको लागि खरिद भएको विधुतिय हाजिरी, सोलार ब्याट्री तथा ईनभर्टर, फर्निचर आदिको खरिद गर्दा समेत बोर्ड बैठकबाट पास नगराई मनपरि ढंगले खरिद गरिएको अधिकान्स स्थानीय युवाहरूको आरोप रहेको छ ।
त्यसैगरी, विधालयको सुचना प्रणाली तथा सफ्टवेयर संचालन, कर्मचारी तालिम, पुस्तक तथा सामग्री, मसलन तथा कार्यालय सामग्री, सबारी साधन मर्मत लगायतका खर्च समेत पारदर्शी नभएको स्थानीय जिबछ यादवले बताएका छन । यादवको अनुसार सुचना दिन कन्जुस्याइँ गर्नु नै यस पालिकाको वास्तविकतालाई झल्काउछ । यसले यो प्रष्ट हुन्छ कि यो गाउँपालिका भ्रष्टाचारको अखाडा बन्दै गईरहेको छ । ‘कुन शिर्षक मा कति खर्चा गरेको’ सोको विवरण समेत अधिकृतले दिन नसकदा गाउँसभामा ढिलासुस्ती भएको अध्यक्ष सन्तोष कुमार महतोले बताए । उनीमाथि लगभग २ करोड हिनामिना गरेको आरोप रहेको छ ।
