वीरगन्ज,२० भदौ/

भाइजान अफ वीरगन्ज क्लबले कोभिड अस्पतालमा खटेका स्वास्थ्यकर्मी र सरसफाइकर्मी र एम्बुलेन्स चालकलाई आज सम्मान गरेको छ ।

नेपाल इन्डो अस्पतालको प्राङ्गणमा आयोजित कार्यक्रममा स्वास्थ्यकर्मी , सरसफाइकर्मी र एम्बुलेन्स चालक सहित ६० जनालाई सुरक्षाका सामाग्री प्रदान गर्दै सम्मान गरेको हो ।

कोरोना भाइरस कोभिड १९ जस्तो महामारीमा आफ्नो ज्यानलाई प्रवाह नगरी रातदिन खटिएका उनीहरुलाई हौसला बढाउन स्वास्थ्य समाग्री पिपिइ , मास्क प्रदान गर्दै सम्मान गरिएको क्लबका सहसचिव अक्रम हुसेनले जानकारी दिए ।

महामारीमा फ्रन्ट लाइनमा खटिएका स्वास्थ्यकर्मी ,सरसफाईकर्मी र एम्बुलेन्स चालकलाई नेपाल इन्डो अस्पतालको सहयोगमा स्वास्थ्यका समाग्री पिपिइ , मास्क बाडिएको हुसेनले बताए ।

वितरण कार्यक्रममा क्लबका अध्यक्ष नौसाद अन्सारी , उपाध्यक्ष साहेब अन्सारी , सचिव जुनैद अहमद , सहसचिव अक्रम हुसेन ,कोषाध्यक्ष अकबर मन्सुरी ,सल्लाहकार जबर अन्सारी ,अकबर मन्सुरी साहिल हसन , इझारुल हवारी , मुन्ना अन्सारी , राइल खान लगायतको सहभागीता रहेको थियो ।