एजेन्सी, १५ भदौ । भारतमा कोरोनाविरुद्धको कोभाक्सिनको दोस्रो चरणको मानव परीक्षणको तयारी सुरु भएको छ।समाचार एजेन्सी पीटीआईका अनुसार इन्स्टिच्युट अफ मेडिकल साइन्स (आईएमएस) र एसयूएम अस्पतालका परीक्षणका प्रमुख अन्वेषक डा. ई. वेंकट रावले यस सम्बन्धमा जानकारी दिएका छन्।डा. ई. वेंकट रावले भने, ‘परीक्षणको पहिलो चरण अझै चलिरहेको छ। हामी चाँडै दोस्रो चरण सुरु गर्ने योजनामा छौं।’ डाक्टरले एन्टीबडीहरूको सम्बन्धमा यो खोप कतीको प्रभावकारी छ ? भनेर पत्ता लगाउन स्वयम्सेवकहरूबाट रगतको नमूना लिइएको जनाएका छन्।
रावले यो पनि भने, ‘खोपको कुनै साइड इफेक्ट ट्रायलको पहिलो चरणमा देखिएको छैन।’आईएमएस र एसयूएम अस्पताल देशका १२ वटा चिकित्सा केन्द्रहरू हुन् जसलाई आईसीएमआरले खोपको मानव परीक्षणको लागि चयन गरेको छ। यो खोप हैदराबादस्थित भरत बायोटेक कम्पनीले विकास गरेको हो।
तीन दिनदेखि सात दिनसम्म चलेको स्क्रिनङमाप्रक्रियामा छानिएका प्रत्येक स्वयंसेवकलाई दुई खोप दिइयो। पहिलो खुराक दिन शून्यमा दिइएको थियो र रगतको नमूनाहरू लिएक थिएन । दोस्रो खुराक १४ दिनमा दिइयो र रगतको नमूना पनि लिएको रावले बताएका छन् ।
