मिहिनेत र प्रयासले अवश्य कर्मको फल दिन्छ । मिहिनेत गर्दै जाँदा लक्ष्यमा विश्वासका साथ अगाडी बढ्दै जानुपर्छ तब मात्र आफ्नो जीवनमा चाहेको आकांक्षा पुरा हुन सक्छ ।
आफ्नो मुख्य मार्गमा पुग्न सङ्घर्षको साथै आफु लक्ष्यप्रति लगनशील र कर्तव्यनिष्ठ व्यक्ति हुन जरुरी छ । मधेशमा पुरुष र महिलाको तुलनामा हेर्ने हो भने महिलाई कमै पढे लेखेको पाइन्छ । मधेशमा धेरैले आफ्नो छोराछोरीलाई उच्च शिक्षा दिन सकेका छैनन् ।
समाज परिवर्तनमा महत्वपुर्ण भुमिका खेल्न सक्ने ‘शिक्षा’ हो त्यही शिक्षाबाट नै टाढा भएको देखिन्छ । त्यही शिक्षा प्राप्त गर्न ठुलो मिहिनेत गर्नुपर्छ । यसैकी सफल उदाहारण बनेका छिन्, कपिलवस्तुकी एक महिला ।
“जति कठिन संघर्ष हुन्छ, त्यति नै जीत शानदार हुन्छ” भन्ने कुरा प्रष्ट देखिएको छ । उनी हुन्, कपिलवस्तु जिल्लाको विजयनगर गाउँपालिका– ७ परसोहियाकी महिला प्रतिभा पाल ।
सशस्त्र प्रहरीको इन्स्पेक्टर (प्रहरी निरीक्षक) पदमा एक मधेसी महिलाले नाम निकाल्न सफल भएकी छिन् । उनी सशस्त्र प्रहरी बल प्रधान कार्यालय भदौँ ८ गते प्रकाशित गरेको नतिजामा महिला र खुल्ला समुहतर्फ प्रतिभा पालले दोस्रो नम्बरमा नाम निकालेकी हुन् ।
सशस्त्र प्रहरीको इन्स्पेक्टर (प्रहरी निरीक्षक) पदमा नाम निकाल्ने सफलताको खबर पाएपछि उनका आफन्त, सााथीभाई, इष्टमित्रहरुले उनलाई बधाई तथा सफल कार्यकालको शुभकामनाले सामाजिक सञ्जाल फेसबुकको वालमा रंगिन बनेको देखिन्छ । अहिले उनकै चर्चा भइरहेको छ ।
सम्वन्धित समाचार
:
