एजेन्सी
उत्तर कोरियाली नेता किम जोङ उनले आफ्नी बहिनी किम यो जोङलाई थप अधिकार दिएका छन्।
उनले बिहिनी जोङलाई उत्तर कोरियाली शासनको दोस्रो वरियतामा राखेका हुन्। योसँगै उनले दक्षिण कोरिया र अमेरिकासँगको मामिला हेर्ने जिम्मेवारी पाएको दक्षिण कोरियाको राष्ट्रिय सभाको इन्टिलिजेन्स कमिटीमा रहेका विधायक हा ताइ केयुङले बताएका छन्।
जोङले यसअघि देखि नै दाजु उनलाई उत्तर कोरियामा शासन गर्न सहयोग गरिरहेकी छन्।
जोङ सन् २०१९मा भियतनाममा अमेरिकी राष्ट्रपति डोनाल्ड ट्रम्पसँग भएको आणविक शिखर सम्मेलन उनसँगै दखिएकी थिइन्। त्यसबेलादेखि उनी सत्तारूढ दलमार्फत राजनीतिमा प्रवेश गरेको देखिन्छ।
बहिनीलाई दोस्रो वरियतामा राखे पनि पूर्ण अधिकार भने उन आफैंले राखेको विधायक हाले बताएका छन्।
साथै उनले अर्थ र सैनिक नीति सम्बन्धीको जिम्मेवारी केही वरिष्ठ अधिकारीहरूलाई समेत दिएका छन्।
किम जोङ उनले आफ्नो तनाव व्यवस्थापन गर्न अधिकारको बाँडफाँट गरेका हुन्।
सम्वन्धित समाचार
:
