काठमाडौं । संघीय संसद् सचिवालयले सांसदहरुका लागि तयार पारेको लोगोको चौतर्फी आलोचना भएपछि फिर्ता पठाइएको छ ।
संसद् सचिवालयका प्रवक्ता डा. रोजनाथ पाण्डे प्रेस विज्ञप्ति जारी गर्दै भनेका छन्, “घरेलु तथा साना उद्योग कार्यालय, ललितपुरबाट प्राप्त भएका ब्याच पिनहरुमा संरचनागत र साजसज्जा सम्बन्धी समस्याहरु देखिएकाले सो को सुधार र परिमार्जनका लागि भदौ २ गते फिर्ता पठाइएको छ । ब्याच पिन तयार पार्ने सो कार्यालयबाट नेपालको अद्यावधिक नक्सालगायतका विषयमा परिमार्जन गरी उपलब्ध गराउने प्रतिवद्धता व्यक्त गरिएको छ । सचिवालय प्रतीक चिन्हको ब्याच पिनको सम्बन्धमा यसको स्तरीयता र निर्धारित मापदण्डअनुसारको निर्माण गरी प्रयोगमा ल्याउने कार्यमा आवश्यक कार्य गरिरहेको जानकारी गराउँदछ ।”
संघीय संसदको नयाँ प्रतीक चिन्हमा साविकमा प्रयोग भएको प्रतीक चिन्ह रहेको नेपालको नक्साको सट्टा नयाँ नक्सा राखिएको छ ।
