लहान : सिरहाको मिर्चैया नगरपालिका ५ का दुई जनाको गोली हानी हत्यापछि फरार रहेका अपराधीलाई प्रहरीले पक्राउ गरेको छ ।
सिराहा नगरपालिका ५ कै लालकुमार साहलाई मंगलबार दिउँसो प्रहरीले पक्राउ गरेको हो । सिराहा र इलाका प्रहरी कार्यालय मिर्चैयाको टोलीले धनुषामा लुकीछिपी बसिरहेका साहलाई पक्राउ गरेको बताइएको छ ।
०६७ असार ११ गते राति देवेन्द्र यादव र चिनेन्द्रकुमार यादवलाई गोली हानी हत्यापछि उनी फरार थिए । पक्राउ परेकामाथि कर्तव्य ज्यान मुद्दा, हातहतियार तथा खरखजना मुद्दामा अनुसन्धान थालिएको इलाका प्रहरी कार्यालय मिर्चैयाले जनाएको छ ।
आफ्नो प्रतिक्रिया दिनुहोस् !