सिरहा । सिरहाकाे लहान नगरपालिकाले साउन ३२ गतेसम्मकाे लागि नगर क्षेत्रमा लकडाउन घोषणा गरेको हो । लहान नगरपालिकामा २६ जनामा कोरोना सङ्क्रमण पुष्टि भएपछि शुक्रबारदेखि साउन ३२ गतेसम्म लकडाउन गर्ने निर्णय गरेको छ ।
छिमेकी जिल्ला सप्तरीमा तीव्ररूपमा सङ्क्रमण फैलिरहेको छ । नगरको कार्यपालिकाको आपत्कालीन बैठकले नगर क्षेत्रमा लकडाउन गर्ने निर्णय गरेको नगर कार्यपालिकाका सदस्य तथा वडा नं ७ का वडाध्यक्ष राकेशरोशन गुप्ताले जानकारी दिनुभयो । वडा ८ का सङ्क्रमित व्यक्तिको सम्पर्कमा आएकाको पनि स्वाब सङ्कलनको कार्य भइरहेको स्वास्थ्य शाखा प्रमुख रामसुन्दर यादवले बताउनुभयो ।
यसअघि मिर्चैया नगरपालिकाले बिहीबारदेखि साउन ३२ गतेसम्म नगर क्षेत्रमा लकडाउन गरेको छ । मिर्चैया–६ का दुई स्वास्थ्यकर्मीसहित तीन जनामा कोरोना सङ्क्रमण पुष्टि भएपछि सङ्क्रमण थप फैलिन नदिन नगर क्षेत्रमा नगरपालिकाले लकडाउन गरेको नगरप्रमुख श्रवण यादवले जानकारी दिनुभयो ।
