नयाँ दिल्ली । भारत व्यापार र प्राविधिक कौशलमा चीनभन्दा अगाडि रहेको जनाइएको छ ।
विश्वकै ठूलो अनलाइन लर्निङ् प्लेटफर्म कउरसेराले शुक्रबार जारी गरेको एक प्रतिवेदन अनुसार भारतमा युवा पुस्ताको नयाँ-नयाँ सोच र खोजका कारण भारत चीनभन्दा व्यापार र प्राविधिक सिपका हिसाबमा अगाडि रहेको छ ।
सन् २०२० को ग्लोबल स्किल इन्डेक्स अनुसार व्यापारिक सिपका आधारमा भारत ३४ औं स्थानमा छ भने चीन ४५ औं स्थानमा रहेको छ । त्यसैगरी प्राविधिक सिपका आधारमा भारत ४० औं स्थानमा छ भने चीन ५० औं स्थानमा छ ।
६ करोड ५० लाख लर्नर भएको उक्त प्लेटफर्ममा १२ महिनाको ६० मुलुकको रिपोर्ट अध्ययनका आधारमा उक्त नतिजा सार्वजनिक गरिएको हो । विज्ञानमा भइरहेको प्रगतिका आधारमा ५१ औं स्थानमा छ भने एसिया प्यासिफिक क्षेत्रमा १२ औं स्थानमा रहेको छ ।
व्यवस्थापनका आधारमा हेर्दा भारत विश्वमा ५८ औं स्थानमा छ भने एसिया १५ औं स्थानमा छ । कउरसेराले कोर्न फेरीलाई उदृत गर्दै भनेको छ कि भारत सन् २०३० सम्ममा क्षमता विकासमा निकै प्रगति हुने बताइएको छ ।
आफ्नो प्रतिक्रिया दिनुहोस् !