राजेश विद्रोही / लहान : सिरहाको लहान नगरपालिका १ का १८ वर्षीय रोशन रामको अपहरणपछि हत्या भएको छ ।
लकडाउनकै समयमा लागु अौषध मुद्दामा रोशन पक्राउ परेका थिए । उनी दशहजार धरौटीमा छुटेका थिए । लहान प्रहरी कारागारमा रहँदा रोशनले मिर्चैया नगरपालिका १ का मुकेश कटुवालसँग एकहजार रुपैया सापटी लिएका थिए ।
थुनाबाट निस्केपछि मुकेश कटुवाल पैसा माग्न रोशनको घरमा अाउँथ्यो । रोशन पैसा जोहो गरेर दिन्छु भन्दै अाएका थिए । तर, मुकेशले पटकपटक उसको घरमा पुगेर परिवारलाई धम्काउने ज्यान मार्ने जस्ता कुराहरु गर्दै अाएका थिए ।
साउन २७ गते घरबाट बाईकमा चढाएर ससुराली जाउँ भनेर लगे । सोही दिनदेखि बेपत्ता थियो । उनको लाश मिर्चैयाको बतहाखोला नजिक बेबारिसे अवस्थामा प्रहरीले फेला पारेका थिए । त्यसपछि त्यो लाश लहानको अस्पताल शव गृहमा थियो ।
रोशनको बुबा सिपैत मोचीले थाहा पाएपछि अाफ्नो छोराको लाश रहेको दावी गरेपछि प्रहरीले लाश बुझाएका थिए । हत्या आरोपमा मिर्चैया १ का मुकेश कटुवाल र जयकुमार यादव पक्राउ परेका छन् ।
आफ्नो प्रतिक्रिया दिनुहोस् !