सिरहामा प्रहरीकै मिलेमतो र संरक्षणमा होटल, लँज तथा विभिन्न ठाउँमा यौन धन्दा भैरहेको छ।
प्रहरी समाजमा शान्ति सुरक्षा कायम गर्ने र सामाजिक विकृतिविरुद्ध सक्रिय रहने सरकारी जनशक्ति हो । प्रहरीको काम अनैकि काम गर्नेलाई पक्राउ गरी कानूनी कार्वाहीको भागीदार बनाउने पनि हो । तर, सामाजिक शान्ति सुरक्षा र सभ्य समाज निर्माणमा खट्नु पर्ने प्रहरी नै गलत बाटोमा हिंडिरहेकाहरुको सहयोग बन्यो भने त्यसलाई के भन्ने ?
गलत काम गर्नेहरुका लागि यो काम मनमनै जायज लागे पनि सभ्य र सामाजिक हितका लागि सोच्ने मान्छेका लागि भन्ने यो कुरा पाच्य हुँदैन । तर, यहि नपच्ने कुरा नै
सिरहाको विभिन्न ठाउँहरुमा देख्न, सुन्न र भोग्न पाइन्छ । अहिले सिरहामा प्रहरीहरुकै संरक्षणमा विभिन्न स्थानमा यौनधन्दा चलिरहेको गुनासो सर्वसाधरणले गरिरहेका छन् ।
यस्तै विकृति रोकनका लागि संचारकर्मी पनि ज्यान लगाएर भिडेका छ्न । यस्ता कार्यहरु रोकन संचारकर्मी सिरहाको गोलबजार पुगेर विभिन्न होटलको छेउछाउबाट गोप्य निगरानी बढायो । संचारकर्मीको अपरेशन टिम गोलबजारस्थित मनोज लँज नजिक पुग्यो ।
अपरेशन टिमले त्यहाँका स्थानीयसँग सहयोग लिन खोज्यो । ‘गोलबजारमा यस्ता क्रियाकलाप नौलो होइन, यहाँ प्रहरीकै संरक्षणमा होटलहरुमा यौन धन्दा हुन्छ, अहिले पनि यो होटलमा ५–६ जोडी होला,’ एकजना स्थानीयले नाम उल्लेख नगर्ने शर्तमा भने ।
अर्का एकजनाले पनि यस्तै बताए । होटल भित्रको माहोल र हाउभाउ देख्दा पनि उस्तै देखिन्थ्यो । होटल अगाडि नै प्रहरी बिट भएपनि अपरेशन टिमले ईलाका प्रहरी कार्यालय गोलबजारका प्रहरी निरीक्षक जनक पुरीसँग समन्वय गर्न खोज्यो ।
त्यहाँका इन्चार्जसमेत रहेका पुरीलाई फोन गरे लगत्तै केहि मिनेटपछि मनोज लँजबाट ४–५ जोडी हत्तारहत्तार निस्केर टाप कसे । त्यसपछि प्रहरीको टोली आयो, होटल खानतलासी गर्यो । तर, उनीहरु त्यतिबेलासम्म भागिसकेका थिए ।
गोलबजारमा मात्रै होइन, सिरहाका ठूला बजार लहान, मिर्चैया, सिरहा लगायतका ठाउँमा सञ्चालित होटल तथा लँजहरुमा समेत खुल्लमखुल्ला यौनधन्दा हुन्छ ।
होटलमा कोहि नभेटेपछि प्रहरीको टोली फिर्ता भयो । त्यसपछि अपरेशन टिम गोलबजारमै सञ्चालित विकास लँज अगाडी झण्डै १ घण्टा बसेर भिडियो फुटेज लिइरहँदा एक युवती र एक पुरुष लँजबाट निस्के ।
लगत्तै प्रहरी आए, होटल खानतलासी गर्यो । खानतलासीपछि प्रहरीको टोलीले ब्यूरो अपरेशन टिमलाई घेरा हालेर ‘किन भिडियो लिनुभएको ? यो भिडियो डिलिट गरिदिनुस्, इन्सपेक्टर साबले भन्नुभएको छ’ भनेर भन्यो । अपरेशन टिमले भिडियो डिलिट गर्न मानेनन् ।
प्रहरीले डिलिट गर्न जिद्दी गरेपछि ‘ठिक छ, हामीले सिडिओ र एसपी साबसँग कुरा गर्दैछौं, कारण सोधेर डिलिट गरिदिन्छौं,’ भनेपछि प्रहरी त्यहाँबाट हिँडे ।
प्रहरीलाई जानकारी हुने वित्तिकै होटलबाट एकैचोटी ४–५ जना महिला र पुरुष निस्केर टाप कस्नुले र प्रहरीको हाउभाउले पनि यहाँ प्रहरीकै मिलेमतोमा यौनजन्य क्रियाकलाप हुने गरेको प्रष्ट हुन्छ । ‘हेर्नु भयो, तपाईले फोन गरे लगत्तै होटलबाट सबै भाग्यो, कसैले यस्ता क्रियाकलाप बारे प्रहरीलाई जानकारी गराएपछि प्रहरीले पहिला होटल सञ्चालकलाई खाली गर्न लगाउँछ, अनि खानतलासी गर्न आउँछ, सिओर हुनुस्,’ स्थानीयले भने ।
स्थानीयहरुले यौनधन्दा हुने गरेको भनेर पटकपटक प्रहरीको ध्यानाकर्षण गराएपनि यौन धन्दा झन फष्टाउँदै गएको छ । होटल सञ्चालकले मासिक मोटो रकम बुझाएर प्रहरीको ‘मुख बन्द’ गराउँदै आएको स्थानीय बताउँछन् ।
गोलबजारमा मात्रै होइन, सिरहाका ठूला बजार लहान, मिर्चैया, सिरहा लगायतका ठाउँमा सञ्चालित होटल तथा लँजहरुमा समेत खुल्लमखुल्ला यौनधन्दा हुन्छ । तर, प्रहरी भने मुखदर्शक बनेर बसिरहेका देखिन्छन् । ती होटलहरूले मासिक रूपमा रकम बुझाउने गरेकै कारण प्रहरीले छापा नमारेको स्थानीय बताउँछन् (न्युज ब्यूरो बाट )
