सुरेश कुमार यादव
गोलबजार असार २१।
घरमै राखेर लागूऔषध बिक्री वितरण गर्दै आएका सिरहाका एक जनालाई प्रहरीले पक्राउ गरेको छ । सिरहाकाे गोलबजार नगरपालिका वडा नं. ४ बस्ने ४२ बर्षीय मनोज कुमार साहलाई उनको आफ्नै घरबाट आइतबार पक्राउ गरिएको जिल्ला कार्यलाय सिरहाले जनाएको छ ।
जिल्ला प्रहरी कार्यालय सिरहाका अनुसार ईलाकाप्रहरी कार्यलय गोलबजारका प्रहरी निरीक्षक जनकपुरिको कमान्डमाखटिएको टोलीले साहले आफ्नै घरमा बिक्री वितरणको लागि लुकाई छिपाई राखेको अवस्थामा प्रतिवन्धित लागूऔषध डाइलेक्स डिसी ६७ बोतल, नाइट्रोभेट ट्याब्लेट १ सय ६५ थान बरामद गरी साहलाई पक्राउ गरिएको सिरहा प्रहरीका प्रवक्ता डिएसपि बिनोद घिमिरेले जानकारी दिए । उनलाई इलाका प्रहरी कार्यालय गोलबजारमा राखी आवश्यक अनुसन्धान कार्य भइरहेको प्रहरीले जनाएको छ ।
