वीरगन्ज,२१ असार वीरगन्ज महानगरपालिका ६ माइस्थानमा रहेकोे माउन्ट एभरेस्ट मार्सल आर्ट क्लबले गुरु पुर्णिामाको अवसरमा बिरुवा बृक्षारोपण गरेको छ । क्लबले आज बिहान एक कार्यक्रमका वीरगन्ज नयाँ बसपार्क देखि प्रतिमा चौक सम्मको सडकमा विभिन्न जातिका २ सय १ वटा बिरुवा बृक्षारोपण गरेको हो । बिरुवा बृक्षारोपण कार्यक्रममा नेकपाका नेता रहबर अन्सारीले विशेष सहयोग गर्नुभएको क्लबले जनाएको छ । क्लबका अध्यक्ष रवि गुप्ताको अध्यक्षतामा भएको बिरुवा बृक्षारोपण कार्यक्रममा नेकपाका नेता बाबुराम कौसिक , जनता समाजवादि पार्टीका युवा नेता सरोज यादव , राजकुमार महतो , बसपार्कका प्रहरी प्रमुख बिजय साही ,साथैका क्लबका १ सय भन्दा बढी खेलाडीहरुको सहभागिता रहेको थियो ।