मनोज बनैता
लहान, १८ असार । सुखिपुर नगरपालिकाका वडाध्यक्ष रामलोभित यादवले एक महिलालाई निर्घात रुपमा कुटपिट गरेका छन । लाहान १३ मा घर बनाई बस्दै गरेका अध्यक्ष यादव लगायत उनका पारिवारिक सदस्यहरुले त्यहीँ बस्ने एक महिलाई कुटेका हुन ।
पीडित महिला ममता देवी यादवले स्थानीय ठाउँमा बसोबास गर्दैआएका अन्य धर्मजातको मानिससँग किन बोलेको भन्दै वडा अध्यक्ष यादवले पिटेका छन । कुटपिटबाट पीडित ममतादेवी यादवको कम्मरको हड्डी भाँचेको छ भने शरिरमा चोटपटक लागेर असक्त भएकि छिन । प्राप्त सुचना अनुसार पीडितको उपचार लहानमा सम्भव नभएपछि विराट नर्सिगँ होममा उपचार भइरहेको छ । उपचारको क्रममै पीडित ममता आजभोली घर फर्किएकी छिन ।
पीडितपक्षले असार १० गते ईलाका प्रहरी कार्यालय लहानमा उजुरी दिएपनि हालसम्म ममतादेवीले न्याय नपाएको उनको एक छिमेकी रामपरिक्षण यादवले बताए । उपचारमा एक लाखबढी खर्च भएपनि वडाध्यक्ष रामलोभित यादवले हालसम्म कुनै क्षतिपूर्ती भरेको छैन ।
उपचार तथा क्षतिपूर्तीको लागि लहान प्रहरीले दुवैपक्षलाई छलफलमा राखेको थियो । छलफलमा वडाध्यक्ष यादवले असार १६ गते उपचार तथा क्षतिपूर्ती वापत ९५ हजार दिने निर्णय भएपनि केहि नदिएको पीडितपक्षले जनाएको छ ।
पीडितले आफुलाई अभद्र व्यवहार गर्दै वडाध्यक्षसहित वडाध्यक्षका छोरी रेखा यादव, नविन यादव, दीपक यादव, रिता यादव, चुल्हाई यादवलगायतले कुटपिट गरेको हुनाले उनी प्रहरीमा उजुरी दिएकी छिन ।
उजुरीको सुनवाई नभएको भन्दै पीडितपक्षले आक्रोशित हुँदै कानुनी प्रक्रिया सक्रिय पारिदिन सरोकारवाला निकायसँग माग गरेको छ । ईलाका प्रहरी कार्यालय लहानमा डिएसपी शरद थापाले ‘घटनाको छलफल हुँदा पीडितलाई उपचार खर्च दिन भनिएको हो ।’ यसको लागि समयमा उपचार खर्च नपाएपछि कानुनी प्रक्रिया अगाडि बढाउँन पछि नहटने डिएसपी थापाले बताए । कुटपिटको क्रममा पीडितको २ थान मोवाईल ३० हजारको समेत क्षति भएको छ ।
आफ्नो प्रतिक्रिया दिनुहोस् !