सिरहा असार १० गते । सिराहामा ९ जना पुरुष र एक जना महिला गरी १० जना नयाँ कोरोना संक्रमित थपिएका छन् । 
थपिएका १० जना मध्ये ९ जना सिरहा नगरपालिकाका रहेकाछन् भने एक जना बिष्णुपुर गाउँपालिकाको रहेको जिल्ला स्वास्थ्य कार्यालयले जनाएको छ । 
योसँगै सिराहा जिल्लामा कोरोना संक्रमितको संख्या पुरुष एक सय ५५ र महिला १६ गरी एक सय ७१ पुगेको छ । संक्रमितमध्ये एक जना महिला र ६५ जना पुरुष गरी ६६ जना निको भई घर फर्किसकेका छन् ।
हाल सम्म सिरहामा रहेको १७ स्थानीय तह मध्ये ७ वटा नगरपालिका र ७ वटा गाउँपालिका गरी १४ वटा पालिकामा कोरोना संक्रमित भएको पुष्टि भएको छ ।