वीरगन्ज ,१३ असार
राष्ट्रिय युवा संघ पर्साले आज वीरगन्जमा रक्तदान कार्यक्रम सम्पन्न गरेको छ । तत्कालिन नेपाल कन्युनिष्ट पार्टी एमालेका महासचिव एवं जननेता स्वर्गीय मदन भण्डारीको ६९ औं जन्मोत्सवको अवसरमा राष्ट्रिय युवा संघ पर्साले रक्तदान कार्यक्रमको आयोजना गरेको हो ।
वीरगन्जको घण्टाघर देखि उत्तरतर्फ रहेको विपी उद्यान परिसरमा आयोजना गरिएको रक्तदान कार्यक्रममा तीन जना महिला सहित १ सय १३ जनाले रक्तदान गरेका छन् । रक्तदान गर्नेहरुमा दूर्गा पौडेल, निर्जला पौडेल, दिपीका पौडेल,पुजा बस्नेत, अरुण यादव, अजय महतो, युगेश शर्मा, आकाश मिश्रा, मनोज कर्ण, समिर अन्सारी, ललन कुमार यादव, बलिराम बैठा, राजकिशोर साह, एमडी जफर हवारी, अब्दलुकैस हवारी लगायतका रहेका छन् ।
राष्ट्रिय युवा संघ नेपाल पर्साका संयोजक महम्मद निजामको अध्यक्षतामा भएको रक्तदान कार्यक्रममा नेकपाका केन्द्रीय सदस्य तथा महानगर इन्चार्ज दिनेश राई, प्रदेश कमिटि सदस्य बालगोपाल थापा, बाबुराम कौशिक, पर्सा अध्यक्ष प्रभु हजरा, पूर्व संविधानसभा सदस्य राजकुमार गुप्ता, जिल्ला कमिटी सदस्य नवराज शर्मा, राष्ट्रिय युवा संघका केन्द्रीय सदस्य विकास रौनियार, अमर यादव, प्रेस संगठनका केन्द्रीय सदस्य राघव साह, वृजलाल पासवान, पर्सा संयोजक नीरज पिठाकोटे मगर ,अनेरास्ववियुका केन्द्रिय सदस्य जुबेर आलम ,प्रभाकर गुप्ता , शिभम साह, युवा संघका नेता श्याम गुप्ता , अनिल पटेल लगायतको उपस्थिति रहेको थियो ।
आफ्नो प्रतिक्रिया दिनुहोस् !