एजेन्सी : बलूचिस्तानमा कार्यरत पाकिस्तानको इन्टर सर्भिस ईन्टेलीजेन्स (आईएसआई) का एक वरिष्ठ अधिकारी बृगेडिएर हसन अफजलको शनिबार COVID-19 को कारण मृत्यु भएको छ ।
हसन ISI का सेक्टर कमाण्डर थिए र उनको मृत्यु पाकिस्तानको यस समस्याग्रस्त प्रान्तमा चिकित्सा सुविधाको पूर्ण अनुपस्थितिको कारण भएको हो। 
बलूचिस्तानमा 9,000 भन्दा बढी कोरोनाको केस देखिएको छ जुन विज्ञहरूले आगामी महिनाहरूमा बढ्ने बताएका छन्। पाकिस्तानको सब भन्दा कम विकसित प्रान्त बलूचिस्तानमा कोभिड-19 बिरामीहरूको उपचार गर्नको लागि सुपर-स्पेशलिटी अस्पताल छैन।
स्वास्थ बिभागका महानिर्देशक डा. सलीम अब्रोले भर्खरै एक पत्रकार सम्मेलन गरि  केही महिनामा 1 लाखभन्दा बढी सन्क्रमित हुने चेतावनी दिएका थिए ।
“जुलाईदेखि सेप्टेम्बरसम्म हामी कोरोनाभाइरस संक्रमणको चरम अवस्थामा हुनेछ र अवस्था खतरनाक हुन सक्छ “, उनले भने ।  प्रान्तमा करिब 40 प्रतिशत जनसंख्या अहिले संक्रमित छन”, डा अब्रोले मिडियालाई भने। 
पाकिस्तानको कोरोनाभाइरसको कारण मृत्यु हुनेको संख्या 3,436 पुगेको छ जबकि संक्रमणको कुल संख्या शनिबार 1,74,676 पुगेको छ। (एएनआई)