मनोज बनैता
सिरहा, ४ असार । लकडाउनको शुरूवात देखि नै खाद्यान्न वितरणमा लागेका म.स जोडीले हाल सम्म आफ्नो अभियान जारी राखेका छन । अहिले चाँही यी जोडीले आफ्नो अभियानको स्वरुप परिवर्तन गरेका छन ।
गरिबी र बेरोजगारीका कारणले विपन्न बस्तीका गर्भवती महिला मा आउन सक्ने स्वास्थ संकटलाई ध्यानमा राख्दै यी जोडीले फलफुल सहितको खाद्यान्न वितरण थालेका छन । बुधबार महेश चौधरी र संगीता कर्माचार्य को जोडीले लहान नगरपालिका-१२ का दलित समुदायका २३ जना दलित महिलालाई पौष्टिक आहारका साथ साथ खाद्यान्न बितरण गरेका छन ।
जन्मिने बच्चा कुपोषण को शिकार नहोस भन्दै यी जोडीले १० केजी चामल,१ केजी दाल, १ केजी चना,१ केजी मटर,१ प्याकेट तेल,१ केजी नून,१ केजी स्याऊ,१ केजी अंगूर र १० पिस केरा राहत स्वरूप बितरण गरेका छन । उक्त राहत वितरणमा उनलाई रामपृत यादवका कृष्ण नर्सिङ कलेज जनकपुर र एपोलो स्कुल लाहानले सहयोग गरेको कर्माचार्यले बताईन ।
जोडीको कामबाट प्रभावित भएका उक्त वडाका अध्यक्ष बद्री चौधरी र श्रीमती सुशीला थरूनी ले उनीहरुलाई गमछा लगाई सम्मान गरेका थिए ।
